SƏFƏVILƏR DÖVRÜNDƏ DƏRBƏND ƏHALISI (MƏQALƏ) KİTABI HAQQINDA

2015-ci ildə Dərbəndin Qafqaz və Rusiyada cərəyan edən tarixi proseslərdə iştirakına həsr edilmiş beynəlxalq elmi konfransın materialları Dərbənd şəhərinin 2000 illik yubileyi ilə əlaqədar dərc edilmişdir. Toplu Dərbəndin qədim və orta əsrlər tarixinə, XVI-XIX əsrlərdə Şimal-şərqi Qafqaz xalqlarlarının ortaq siyasi və iqtisadi qarşılıqlı münasibətlərinin nəticəsi kimi Dərbənd tarixinin bərpasına, Dərbəndin yeni və ən yeni dövrdə sosial-iqtisadi problemlərinə və siyasi vəziyyətinə həsr edilib.  Bu topluda Abbasqulu Ağa Bakıxanov adına Tarix İnstitutunun Azərbaycan tarixi demoqrafiyası üzrə doktorantı Elnur Nəciyevin "Səfəvilər dövründə Dərbənd əhalisi" adlı məqaləsi dərc edilmişdir. Məqalədə müəllif Səfəvilər dövründə Dərbəndin əhali sayı və etnik tərkibini tədqiq etmişdir.