ŞAHIN QULLARI: SƏFƏVI İRANINDA YENI ELITALAR KİTABI HAQQINDA

Kitab Səfəvilər dövlətində xüsusilə Şah Abbas dövründən başlayaraq mühüm rol oynamağa başlayan qulların fəaliyyətinin tədqiqinə həsr edilib. Məlum olduğu kimi Şah Abbas dövründə yaradılan qulam institutu getdikcə geniş təşəkkül tapmışdır. Əsasən gürcü, osetin, çərkəz və digər xristian ailələrindən uşaqlar toplanır, zorla islamlaşdırılıb sarayda xüsusi rejimlə tərbiyə olunurdular. Bu qullar Osmanlı dövlətindəki yeniçərilər kimi türk dilli idilər.