QARABAĞIN TUTUSU
Ana səhifə > Müasir dövr > Qarabağın Tutusu
Müəllif İradə Əlili
Nəşr olunduğu il 2015
Bölmə Müasir dövr
Səhifə sayı 114
Dil Azərbaycan türkcəsi
Baxış sayı 216
Yükləmə sayı 5
YÜKLƏ

QARABAĞIN TUTUSU KİTABI HAQQINDA

Oxuculara təqdim olunan bu kitab İradə Əlilinin gərgin əməyinin, Vətən eşqindən doğan istəyinin, arzusunun bədii-publisist məhsuludur. Kitab xalqımızın igid qızı, sonuncu Qarabağ müharibəsində fədakarlıq göstərmiş, neçə-neçə döyüşçümüzü ölümün pəncəsindən qurtarmış Rüxsarə Cumayevanın həyat və döyüş yolunu əks etdirir. Hiss olunur ki, müəllif ilk dəfədir ki, müharibə mövzusunda əsər yazır. Lakin buna baxmayaraq, İradə xanımın bu əsərə verdiyi önəm, çəkdiyi zəhmət və əldə etdiyi nəticə göz qabağındadır və təqdirəlayiqdir. Tutu ləqəbli Rüxsarənin həyatından fraqmentlər, onun döyüş yoldaşlarının tapılıb, Tutu haqqında olan fikirlərin toplanması, fotoların əldə edilməsi bir günün, bir həftənin, bir ayın işi deyil. İradə xanım Qarabağ müharibəsinin iştirakçısı deyil. Heç vaxt da Qarabağda olmayıb. Amma nə qədər ki, Qarabağ yağı əsarətindədir ruhən Qarabağlıdır İradə xanım. Elə buna görə də hər bir Qarabağ qazisinin yaşadığı hissləri içindən keçirib, özününküləşdirməyi bacaran, hər bir Qarabağ qazisini özünə doğma bilən bu vətənpərvər yazıçı xanım Rüxsarənin də ömrünə, taleyinə, həyatda yaşadığı acılara, üzləşdiyi çətinliklərə biganə qalmamış, onu olduğu kimi oxuculara çatdırmağa çalışmışdır.