“10 YANVAR” TARIXIMIZDƏ
Ana səhifə > Xəbərlər > “10 Yanvar” tariximizdə
453    
10/01/2017

1919-cu ildə - Azərbaycan Cümhuriyyətinin Hərbi Nazirliyində Müvəqqəti Hərbi Şura yaradıldı.

1920-ci ildə -  Böyük Britaniyanın təşəbbüsü ilə Paris Sülh Konfransı Ali Şurasının sessiyasında Zaqafqaziya respublikaları ətrafında yaranan vəziyyət geniş şəkildə müzakirə edildi.

1923-cü ildə - İttifaq Soveti vahid Zaqafqaziya pul nişanının dövriyyəyə buraxılması haqqında dekret verdi. Vahid pul nişanı ZSFSR iqtisadiyyatını inkişaf etdirməyin mühüm vasitəsi olmalı idi.

1928-ci ildə - Azərbaycan memarlıq məktəbinin parlaq simalarından biri - Ələsgər Hüseynov (1928-1976) anadan olub.

1954-cü ildə - Migəçevir Su Elektrik Stansiyasının birinci növbəsi işə salındı. 

1958-ci ildə - Azərbaycanın Milli qəhrəmanı Muxtar Qasımov (1958-1992) anadan olub.

1962-ci ildə - Tanınmış Azərbaycan aktyoru, xalq artisti Əjdər Əliabbas oğlu Sultanov (1909-1962) vəfat edib.

1994-ci ildə - NATO-nun Brüsseldə keçirilən sammitində "Sülh Naminə Tərəfdaşlıq" proqramı qəbul olunub. Azərbaycan həmin ilin mayında SNT proqramına qoşuldu.