967    

10/03/2017

1925-ci ildə - Azərbaycan teatr və kino sənətinin görkəmli siması, xalq artisti Bəşir Səfəroğlu Səfərov (1925-1969) Bakıda doğulub. 1942-ci ildən ömrünün sonunadək Azərbaycan Musiqili Komediya Teatrında işləyib.

1935-ci ildə - Görkəmli teatr rejissoru, xalq artisti, professor Ağakişi Şəmməd oğlu Kazımov anadan olub.

1946-cı ildə - Milliyyətcə Azərbaycan türkü olan İran tarixçisi, publisist və hüquqşünas Əhməd Kəsrəvi (1890-1946) "İslam fədailəri cəmiyyəti"nin üzvləri tərəfindən öldürülmüşdür.

1952-ci ildə - 20 yanvar şəhidi Mübariz Məhəmməd oğlu Hacıyev (1952-1990) Ucar rayonunda anadan olub.  

1968-ci ildə - Qarabağ müharibəsi iştirakçısı, şəhid Balakişi Rəhman oğlu Hüseynov (1968-1994) Qubadlı rayonunun Dəmirçilər kəndində anadan olub. 

1968-ci ildə - Azərbaycan Milli Ordusunun giziri, Qarabağ müharibəsi şəhidi Səhiyəddin İsmayıl oğlu Abbasov (1968-1994) Zəngilan rayonunun Gənlik kəndində anadan olub. 

1969-cu ildə - Qarabağ müharibəsi iştirakçısı, "Vətən uğrunda" medalı laureatı, şəhid Seymur Sarı oğlu Quliyev Ağdam rayonunun Sırxavənd kəndində (bu kənd vaxtilə ləğv edilmiş Ağdərə rayonunun inzibati tabeçiliyində idi) dünyaya göz açmışdı.

1992-ci ildə - Avropa Şurası Nazirlər Komitəsi erməni qüvvələrinin Dağlıq Qarabağın azərbaycanlı əhalisinə qarşı zorakılıq və hücumlarını pisləyən bəyanat qəbul edib.

1992-ci ildə - Azərbaycan Böyük Britaniya və Qvineya Respublikası ilə diplomatik münasibətlər qurub.

1999-cu ildə - Avropa Parlamenti "Qafqazda sülh prosesinə dəstək" adlı qətnamə qəbul edib. Sənəddə ATƏT-in Minsk qrupunun Qarabağ münaqişəsinin nizamlanması ilə bağlı 1998-ci ilin noyabrında tərəflərə təqdim etdiyi "ümumi dövlət" planına dəstək ifadə olunub, Azərbaycanın bu planı rədd etməsi tənqid edilib. Milli Məclis qətnamənin qərəzli məqamlarına etiraz olaraq Avropa Parlamentinə müraciət (19 mart) göndərib.

2009-cui ildə - Dağıstan prezidentinin sabiq müşaviri, Dağıstanda Azərbaycan diasporunun görkəmli nümayəndəsi Səid Camal oğlu Qurbanov (1928-2009) Bakıda vəfat edib.