“21 MART” TARIXIMIZDƏ
Ana səhifə > Xəbərlər > “21 Mart” tariximizdə
602    
20/03/2017

1747-ci ildə - Təbrizdə və Ərdəbildə III Sam Mirzənin başçılığı altında Nadir şah əleyhinə üsyan başlanıb. 

1906-cı ildə - Böyük şair, dramaturq Səməd Vurğun (Səməd Yusif oğlu Vəkilov) (1906-1956) Qazaxın Yuxarı Salahlı kəndində anadan olmuşdur.

1914-cü ildə -  Azərbaycan aktyoru, Azərbaycanın xalq artisti Hüseynağa Ələsgər oğlu Sadıqov (1914-1983) Bakıda tacir ailəsində doğulmuşdur. 

1920-ci ildə - Qarabağda və Gəncəbasarda erməni silahlılarının Xalq Cümhuriyyətinə qarşı qiyamı başlanıb. Cümhuriyyət hökuməti həmin bölgələrə əlavə qüvvələr göndərib. Paytaxt faktiki müdafiəsiz qalmışdı və bu, XI rus ordusunun Bakıya maneəsiz daxil olmasına imkan verdi. 

1924-cü ildə - Tanınmış aşıq, əməkdar mədəniyyət işçisi Mikayıl Cabbar oğlu Zeynalov (Mikayıl Azaflı) (1924-1990) Tovuz rayonunun Azaflı kəndində anadan olmuşdur.

1938-ci ildə - Cümhuriyyət dövründə milli orduda zabit rütbəsində xidmət etmiş Şərif bəy Abdulla ağa oğlu Şıxlinski (1903-1938) haqqında martın 11-də güllələnmə hökmü çıxarılır və hökm martın 21-də Qazaxda yerinə yetirilir.

1964-cü ildə - 20 Yanvar şəhidi Oqtay Eyvaz oğlu Kərimov (1964-1990) Göyçə mahalının (Krasnoselo) Ardanış kəndində anadan olub. 

1981-ci ildə - Musiqiçi, dirijor, bəstəkar, ifaçı, musiqi təşkilatçısı, xalq artisti Tofiq Qəzənfər oğlu Əhmədov (1924-1981) vəfat edib.