"BIRINCI DÜNYA MÜHARIBƏSINDƏN BU GÜNƏ QƏDƏR RUS-TÜRK MÜNASIBƏTLƏRI” KITABI ÇAPDAN ÇIXIB.
Ana səhifə > Xəbərlər > "Birinci Dünya müharibəsindən bu günə qədər Rus-Türk münasibətləri” kitabı çapdan çıxıb.
1067    
12/01/2017

Türkiyədə yaşayan alim Vəfa Kurbanın "Birinci Dünya müharibəsindən bu günə qədər Rus-Türk münasibətləri" adlı kitabı məşhur və beynəlxalq əhəmiyyətə malik Londonda yerləşən "Kembric Scholars Publishing"də ingilis dilində çap edilib. Kitab altı bölmədən ibarətdir: İlk bölmə I Dünya müharibəsindən 1921-ci il Moskva müqaviləsinə qədər baş verən hadisələrə əhatə edir. İkinci bölmə Stalin dövründəki prosesləri, üçüncü və dördüncü bölmələr soyuq müharibə dövrünü, beşinci bölmə Aşkarlıq və Yenidənqurma dövrünü, son bölmədə isə Putinin iqtidara gəlişi və Türkiyə ilə Rusiya arasında yaşanan Su 24 təyyarə böhranı izah edilir. Bundan başqa, hər hissədə Rus-Türk əlaqələrinə təsir edən erməni faktoru üzərində durulmuş, tarix boyunca ermənilərin iki ölkə arasındakı əlaqələri necə pozduğuna, lazım olduğunda ruslar tərəfindən necə istifadə edildiyinə diqqət çəkilmişdir. Bundan əlavə, ermənilərin Azərbaycan türklərinə qarşı həyata keçirdikləri qırğınların, Rus-Türk əlaqələrinə təsir edən məsələlərə də nəzər salınıb. Əslində, kitab Rus-Türk əlaqələri ilə yanaşı, Azərbaycan türklərinə qarşı həyata keçirilən erməni qırğınının, ASALA erməni terror təşkilatının fəaliyyətləri, 1990-cı ilin 20 yanvar hadisələri, Azərbaycan torpaqlarının 20 faizinin ermənilər tərəfindən işğal edilməsi və 1 milyondan çox insanımızın da qaçqın vəziyyətində yaşaması və digər mövzuların da dünyada təbliği nöqteyi-nəzərindən də mühüm əhəmiyyət kəsb edir. 

müəllif: Elnur Eltürk