891    

19/04/2017

1905-ci ildə - Məşhur memar Mikayıl Ələsgər oğlu Hüseynov (1905-1989) Bakıda anadan olub. Bakının arxitekrutasına gözəllik verən onlarla tikilinin (Nizami adına Ədəbiyyat Muzeyi, M.F.Axundov adına Dövlət Kitabxanası, MEA-nın binası, Musiqi Akademiyası, "Azərbaycan" mehmanxanası və s.) müəllifidir.

1907-ci ildə - Xalq artisti, bəstəkar, musiqişünas Əfrasiyab Bədəlbəy oğlu Bədəlbəyli anadan olub. İlk Azərbaycan baletinin ("Qız qalası", 1940), Azərbaycan musiqi tarixinə dair kitabların, "Musiqi terminlərinin lüğəti"nin müəllifidir.

1907-ci ildə - Xalq şairi  Məmmad Abbas oğlu Hüseynov (1907-1977) anadan olub. "Leninqrad göylərində", "Abşeron torpağında" poeamalarının, "Azərbaycan kantatası" şeirlər toplusunun müəllifidir.

1919-cu ildə - Tanınmış kinorejissor Əjdər Mütəllim oğlu İbrahimov (1919-1993) anadan olub. Bakı kinostudiyasında, "Mosfilm"də işləyib. "Onun böyük ürəyi", "Ulduzlar sönmür", Məhəbbətim mənim, kədərim mənim" və s. filmlərə quruluş verib.

1991-ci ildə - Bakı şəhərində 1990-cı ilin 20 yanvarından qüvvədə olan qadağan (komendant) saatı rejimi ləğv edilib.

1995-ci ildə - "Gülüstan" Sarayında Azərbaycanın "Əsrin müqaviləsi"ndəki (1994) payından 5 faizin ABŞ-ın "Ekson" şirkətinə verilməsi haqqında sənədlər imzalanıb. Azərbaycan "Əsrin müqaviləsi" ətrafında geoiqtisadi balansın təmin olunması üçün özünün 30 faizlik payından 10 faiz Rusiyanın "LUKoyl" şirkətinə, 5 faiz də Türkiyənin TPAO şirkətinə vermişdi.

2002-ci ildə - Azərbaycan Respublikası San Marino ilə diplomatik əlaqələr qurmuşdur.