"26 APREL" TARIXIMIZDƏ
Ana səhifə > Xəbərlər > "26 Aprel" tariximizdə
964    
22/04/2017

1828-ci ildə - Qacarlar müharibədən qalib çıxaraq Azərbaycanın şimalını özünə birləşdirən Rusiya Qafqazdakı ikinci rəqibinə - Osmanlı dövlətinə savaş elan edib. Müharibə bir il sonra (Ədirnə sülhü, 1829) Rusiyanın nisbi üstünlüyü ilə başa çatdı. Müharibənin nəticəsi kimi Şərqi Anadoludakı ermənilərin bir hissəsi Cənubi Qafqaza - İrəvan xanlığına və Gürcüstana köçürüldü.

1908-ci ildə - Görkəmli yazıçı, ədəbiyyatşünas alim Mir Cəlal Paşayev (1908-1978) Ərdəbildə anadan olub. Kiçik yaşlarında ailəsilə Gəncəyə köçüb. Gəncə Müəlimlər İnstitutunu, Kazan Şərq Pedaqoji İnstitutunu bitirib, Azərbaycan Dövlət Universitetində professoru olub. "Bir gəncin manifesti" romanının, povest və hekayələrin müəllifidir.

1945-ci ildə - Berlin uğrunda iki saatlıq döyüşdə 8 tank və 204 hitlerçi məhv edərək, düşmən hücumunu pozmuş, başından ağır yaralanmış komandir Yusif Sadıxov son nəfəsinədək döyüş meydanını tərk etmədi. O, Berlin uğrunda döyüşlərdə xüsusilə fərqləndiyinə görə Sovet İttifaqı Qəhrəmanı adına layiq görülmüşdü.

1992-ci ildə - Yazıçılar Birliyinin üzvü, Əməkdar elm xadimi, Azərbaycan milli yaradıcılıq akademiyasının müxbir üzvü, filologiya elmləri doktoru, professor Mirəli Mir Ələkbər oğlu Seyidov (1918-1992) Bakıda vəfat etmiş, ikinci Fəxri Xiyabanda dəfn olunmuşdur. Yaşadığı binanın divarına xatirə lövhəsi vurulmuşdur.

1992-ci ildə - Şuşanın müdafiəsində cəmi 24 ağır hərbi texnika dururdu. Hərbi rabitə lazımi vəziyyətdə deyildi. Şəxsi heyətin hazırlıq səviyyəsi, nizam-intizam aşağı idi. Şəhərin müdafiə qabiliyyətini yüksəltmək üçün əməli iş, demək olar ki, görülməmişdi. Əksinə, şəhəri qorumalı olan silahlı qüvvələr arasında ziddiyyət daha da dərinləşmiş, parçalanma baş vermişdi. Şəhərdə kimin - şəhər milis şöbəsi rəisinin, yoxsa buradakı Azərbaycan Qarabağı könüllü müdafiə taburu komandirinin üstün səlahiyyətə malik olması aydın deyildi. Dövlət Müdafiə Komitəsində Şuşadakı vəziyyətlə bağlı müzakirənin yekununda buradakı bütün hərbi qüvvələr ümumi komandanlığa tabe edildi. Lakin vəziyyət dəyişmədi.

1994-cü ildə - Ağdam rayonunun Kökəltmə məntəqəsi, Baş Qərvənd, Şıxlar kəndləri Ermənistan ordusu tərəfindən işğal edildi. 

2001-ci ildə - İstanbulda türkdilli dövlət (Türkiyə, Azərbaycan, Qazaxıstan, Qırğızıstan, Özbəkistan, Türkmənistan) başçılarının 7-ci zirvə görüşü (1992-ci ildən etibarən) keçirilib. Azərbaycan tərəfi sammitin yekun sənədinə Ermənistanın işğalçılığın pisləyən bənd təklif etsə də, Orta Asiya liderləri sənədi siyasiləşdirmək istəmədiklərini əsas gətirərək onu qəbul etməyiblər.

2006-cı ildə - Prezident İlham Əliyevin Birləşmiş Ştatlara rəsmi səfəri başlayıb. Səfər gedişində Ağ evdə ABŞ və Azərbaycan prezidentlərinin görüşündə (28 aprel) ikitərəfli strateji tərəfdaşlığın geniş spektri müzakirə olunub. Azərbaycan rəhbəri Konqresdə, Amerika işgüzar dairələrində görüşlər keçirib.