"ARXEOQRAFIK SƏNƏDLƏRIN TƏSVIRI” ƏSƏRI NƏŞR OLUNUB
Ana səhifə > Xəbərlər > "Arxeoqrafik sənədlərin təsviri” əsəri nəşr olunub
654    
27/04/2017

AMEA-nın Məhəmməd Füzuli adına Əlyazmalar İnstitutuna uzun müddət rəhbərlik etmiş, Əməkdar elm xadimi, professor Cahangir Qəhrəmanovun “Arxeoqrafik sənədlərin təsviri” əsəri “Elm və təhsil” nəşriyyatında çapdan çıxıb. İnstitutun Elmi Şurasının qərarı ilə nəşr olunan əsərdə XVI-XIX əsrlərdə tərtib olunmuş və mühafizə edilən şah fərmanlarının, hökmlərin, qəbalələrin (alqı-satqı sənədləri), hibənamələrin (bağışlanan əşyaların sənədləri) və digər rəsmi sənədlərin təsviri əksini tapıb. Qeyd edək ki, kitab ilk dəfə 1969-cu ildə rus dilində nəşr edilib. Tarix elmləri doktoru Tahirə Həsənzadə tərəfindən tərcümə edilən kitaba ad göstəriciləri də əlavə edilib. Kitabın elmi redaktoru akademik Teymur Kərimli, redaktoru filologiya elmləri doktoru Paşa Kərimovdur.

mənbə: science.gov.az