“1920-50-CI ILLƏRDƏ REPRESSIYALAR” MÖVZUSUNDA TƏDBIR KEÇIRILƏCƏK
Ana səhifə > Xəbərlər > “1920-50-ci illərdə repressiyalar” mövzusunda tədbir keçiriləcək
673    
01/05/2017

“1920-50-ci illərdə repressiyalar” mövzusunda tədbir keçiriləcək. 18 may 2017-ci il tarixində saat 11:00-da AMEA Milli Azərbaycan Tarixi Muzeyində bu qurumun və Hüseyn Cavidin Ev Muzeyinin birgə təşkilatçılığı ilə “1920-50-ci illərdə repressiyalar” mövzusuna həsr olunmuş “Sonuncu ünvan” adlı tədbir keçiriləcək. Tədbirdə Hüseyn Cavidin Ev Muzeyinin hazırladığı qısametrajlı film, o cümlədən Milli Azərbaycan Tarixi Muzeyinin zəngin fondlarında mühafizə olunan materiallar əsasında foto-slayd göstəriləcək, həmçinin ədibin oğlu, unudulmaz bəstəkar Ərtoğrol Cavidin musiqiləri səsləndiriləcək. Tədbirdə AMEA Tarix İnstitutunun Azərbaycanın Sovet dövrü tarixi şöbəsinin aparıcı elmi işçi, tarix üzrə fəlsəfə doktoru İlqar Niftəliyev “1930-53-cü illərdə repressiyaya məruz qalan elm xadimləri” mövzusunda mühazirə ilə çıxış edəcək. 

Ünvan: Hacı Zeynalabdin Tağıyev küç., 4.

mənbə: science.gov.az