"12 MAY" TARIXIMIZDƏ
Ana səhifə > Xəbərlər > "12 May" tariximizdə
545    
12/05/2017

1907-ci ildə - Xalq artisti, bəstəkar və pedaqoq Səid Əli oğlu Rüstəmov (1907-1983) İrəvanda anadan olub, 1919-cu ildə erməni qırğınları zamanı ailəsilə Bakıya köçüb. Azərbaycanın ilk xalq çalğı alətləri orkestrinin yaradıcısıdır.

1920-ci ildə - Azərbaycan Müvəqqəti İnqilab Komitəsi respublikada xalq məhkəmələrinin yaradılması haqqında dekret verib. Əksinqilab və təxribatçılığa qarşı mübarizə üçün Fövqəladə Komissiya və Ali İnqilabi Tribunal təsis edilib, həmçinin silki və mülki rütbələrin ləğv edilməsi barədə dekret verilib.

1938-ci ildə -  Azərbaycan Respublikasının 1-ci prezidenti, Azərbaycan SSR Kommunist Partiyası Mərkəzi Komitəsinin sonuncu, 14-cü birinci katibi Ayaz Niyazi oğlu Mütəllibov Bakıda anadan olub.

1992-ci ildə - Türkiyənin baş naziri Süleyman Dəmirəl Şuşanın işğalı ilə bağlı bəyanat verib. O, Ermənistanın təcavüzünün genişlənəcəyi halda Türkiyənin Azərbaycana hərbi yardım göstərə biləcəyini bildirib.

1994-cü ildə - Ermənistanla Azərbaycan arasında atəşkəs haqqında saziş - "Bişkek protokolu" qüvvəyə minib. Sənədə Ermənistan və Azərbaycanın parlament sədrləri, həmçinin Dağlıq Qarabağın erməni və azərbaycanlı icmalarının rəhbərləri imza atmışdılar. Azərbaycan tərəfi sənədə iki əlavə ilə imza atmışdı. Protokolun 5-ci abzasında "tutulmuş ərazilər" sözü "işğal olunmuş ərazilər"lə əvəzlənmiş və atəşkəsdən sonra cəbhə xəttində yerləşdiriləcək müşahidəçilərin isə "beynəlxalq müşahidəçilər missiyası" olması qeyd olunmuşdu. Sənədə əsasən, tərəflər tezliklə beynəlxalq vasitəçilik sayəsində "Böyük sülh sazişi" imzalamalı idilər.

1995-ci ildə - Azərbaycanla Venesuela (ölkəmizin müstəqilliyini 1992-ci il yanvarın 9-da tanıyıb) arasında diplomatik münasibətlər qurulub.

2005-ci ildə - Məşhur xanəndə, Azərbaycan SSR Xalq Artisti, Azərbərbaycan Dövlət Qastrol-Konsert Birliyinin solisti Sara Bəbiş qızı Qədimova (1922-2005) vəfat edib.

2011-ci ildə -  Azərbaycan novator teatr rejissoru Vaqif İbrahimoğlu (1949-2011) Bakıda vəfat etmişdir.