"29 İYUN" TARIXIMIZDƏ
Ana səhifə > Xəbərlər > "29 İyun" tariximizdə
520    
29/06/2017

1861-ci ildə - Çar hökuməti "Cənubi Qafqaz diyarının mərkəzləşdirilməsi haqqında Əsasnamə"ni təsdiq etdi və buna əsasən də 1862-ci ildə yanvarın 1-dən fəaliyyətə başlayan xüsusi Cənubi Qafqaz mərkəz palatası yaradıldı. Palata hər bir kənd icmasının sərhədlərini müəyyənləşdirməklə yanaşı, həm də bütün mülk və malikanələrin də sərhədlərini dəqiqləşdirməli idi. Lakin uzun müddət mərkəzləşdirmə üzrə heç bir iş aparılma-dı. Əsasnaməyə görə, "həm kənd cəmiyyətlərinin ixtiyarında olan, həm də onların bilavasitə ixtiyarıda olan dövlət torpaqlarının sərhədlərinin ayrılması qaydaları müəyyənləşdirilmişdi". 

1941-ci ildə - SSRİ Xalq Komissarları Soveti və Ümumittifaq Kommunist (bolşevik) Partiyasının MK-nın qəbul etdikləri direktivlə ölkənin bütün siyasi, iqtisadi və hərbi imkanlarını səfərbər etmək, ilk növbədə,  xalq  təsərrüfatını  hərbi  tələblər  əsasında  qurmaq  vəzifələri müəyyənləşdirildi.

1944-cü ildə - Azərbaycan Mədəniyyət və Turizm Nazirliyinin Nəşriyyat, reklamın təşkili və informasiya şöbəsinin Nəşriyyat sektorunun müdiri, MDB ölkələrinin İcraiyyə Komitəsində dövri mətbuat, kitab nəşri, kitab yayımı və poliqrafiya məsələləri üzrə dövlətlərarası şuranın sədri Çingiz Əli oğlu Əliyev (Çingiz Əlioğlu) Füzuli şəhərində anadan olmuşdur.

1954-cü ildə - Azərbaycanın Milli Qəhrəmanı Elxan Qaçay oğlu Zülfüqarov (1954-1994) Füzuli rayonunun Üçbulaq kəndində anadan olmuşdur.

1989-cu ildə - Radikal tədbirlərə üstünlük verən xalq cəbhəsi liderləri Bakıda ümumşəhər mitinqi təşkil etdilər. 

1992-ci ildə - Azərbaycanla Yeni Zelandiya arasında diplomatik münasibətlər qurulub.

1992-ci ildə - Azərbaycanın Milli Qəhrəmanı Kamil Nəsibov (1946-1992) Qonaqgörməz yüksəkliyi uğrunda gedən qanlı döyüşlərdə aldığı snayper gülləsindən qəhrəmancasına həlak olmuşdur. Ağcabədi rayonunda dəfn edilmişdir.

1994-cü ildə - Prezident Heydər Əliyev İran İslam Respublikasına ilk rəsmi səfərə gedib. Səfər Bakı-Tehran münasibətlərində 1992-1993-cü illərdə yaranmış soyuqluğun aradan qaldırılması üçün əhəmiyyətli hadisə olub. İki ölkə arasında əməkdaşlıq sazişləri imzalanıb. İran prezidenti Əli Əkbər Haşimi Rəfsəncani Azərbaycan prezidenti ilə imzaladığı birgə bəyanatda Ermənistanın Azərbaycana qarşı hərbi təcavüzünü pisləyib.

1995-ci ildə - Prezident Heydər Əliyev Bolqarıstan və Rumıniyaya rəsmi səfərə gedib. Səfər Azərbaycanın bu ölkələrlə yüksək səviyyəli münasibətlərinin əsasını qoyub. Prezident Buxarestdə keçirilən Qara dəniz İqtisadi Əməkdaşlıq Təşkilatının zirvə görüşündə iştirak edib.

2004-cü ildə - Azərbaycan prezidenti İlham Əliyev İstanbulda NATO-nun zirvə toplantısında iştirak edib. Dövlət başçısı Şimali Atlantika Əməkdaşlıq Şurasının toplantısında, "Avroatlantik İttifaqı yol ayrıcında" mövzusunda konfransda çıxış edib.   

2011-ci ildə - “Azərbaycanın Xalq rəssamı” fəxri adına, iki dəfə Dövlət mükafatına layiq görülmüş və “Şöhrət” ordeni ilə təltif olunmuş Kamil Nəcəf oğlu Nəcəfzadə (1929-2011) vəfat etmişdir.