1406    

11/07/2017

“Xüsusi təyinatlı İbad 2” filminin çəkilişlərinə start verilib. Ekran əsərində ermənilərin Kür sahilində törətmək istədikləri növbəti terror aktının qarşısının İbad Hüseynov və dəstəsi tərəfindən rəşadətlə alınmasından bəhs edilir. Filmin quruluşçu rejissoru Natiq Novruzov, quruluşçu operatoru Fahir Səmədoğludur. Filmdə İbad rolunu Elçin Məmmədli canlandırır. Ekran əsərində eyni zamanda Xalq artisti Nurəddin Mehdixanlı, əməkdar artist Xalidə Quliyeva, Rəşad Səfərov və başqaları çəkilirlər. Film döyüş səhnələri ilə zəngindir. Ekran bu ilin payızında təqdim edilməsi və Respublikanın bütün kinoteatrlarında, o cümlədən xarici ölkələrdə nümayişi nəzərdə tutulub. Qeyd edək ki, təqdimatı hələ ötən ilin sonlarında keçirilən “Xüsusi Təyinatlı İbad” bədii filmi isə artıq Goa Beynəlxalq Film Festivalının Seçim Komitəsinə təqdim edilib.

mənbə: “Azernyumedia”