"21 İYUL" TARIXIMIZDƏ
Ana səhifə > Xəbərlər > "21 İyul" tariximizdə
510    
20/07/2017

1723-cü ildə - Rus donanması Bakı limanına daxil oldu. Ciddi müqavimət göstərməsinə baxmayaraq, Bakı qarnizonu çoxsaylı orduya və hərbi texnikaya malik olan düşmən hücumuna tab gətirmədi və bombardman nəticəsində şəhərdə baş verəcək yanğının, tələfatın qarşısını almaq məqsədilə qalanı yadelli
işğalçılara təslim etməyə məcbur oldu.

1920-ci ildə - Şəmkir qəzasının Müşkürlü kəndində Azərbaycanın zorla sovetləşməsi əleyhinə üsyan baş verib. Üsyan XI rus ordusunun hissələri tərəfindən yatırılıb.

1920-ci ildə - İctimai-siyasi xadim, “Əhrar” partiyasının liderlərindən biri. Zaqafqaziya Seyminin, Milli Şuranın, Azərbaycan Parlamentinin üzvü olmuş Aslan bəy Əli ağa oğlu Qardaşov (1866 - 1920) bolşeviklər tərəfindən güllələnib. 

1928-ci ildə - Azərbaycan Mərkəzi İcraiyyə komitəsi və Azərbaycan SSR Xalq Komissarları Soveti "Azərbaycanda yeni türk əlifbasının icbari və qəti olaraq tətbiq olunması" haqqında qərar qəbul etdi.  

1992-ci ildə - "Dini etiqad azadlığı haqqında" Qanun qəbul edildi. 

1992-ci ildə - Milli Məclis Azərbaycanın bir sıra beynəlxalq konvensiyalara qoşulması barədə sənədləri təsdiqləyib. Parlamentin qərarına əsasən, Azərbaycan aşağıdakı konvensiyalara qoşulub: Konsul əlaqələri haqqında Vyana Konvensiyası (24 aprel 1963-cü il tarixdə qəbul olunub); BMT-nin Müstəsna və Diplomatik hüquqları haqqında Konvensiyası (13 fevral 1946-cı il); İqtisadi, Sosial və Mədəni hüquqlar haqqında Beynəlxalq pakt (19 dekabr 1966-cı il); Mülki və Siyasi hüquqlar haqqında Beynəlxalq Pakt (19 dekabr 1966-cı il); Diplomatik əlaqələr haqqında Vyana Konvensiyası (18 aprel 1961-ci il); BMT-nin Uşaq hüquqları haqqında Konvensiyası (20 noyabr 1989-cu il).

2002-ci ildə - Ukraynanın Yalta şəhərində (Krım) GUAM ölkələri dövlət başçılarının zirvə görüşü keçirilib. Prezidentlər Leonid Kuçma (Ukrayna), Heydər Əliyev (Azərbaycan), Eduard Şevardnadze (Gürcüstan) və Vladimir Voroninin (Moldova) iştirak etdiyi sammitdə toplantıda birgə əməkdaşlığa dair bir sıra sənədlər, o cümlədən "Regional sabitliyin və təhlükəsizliyin bərqərar edilməsi üçün birgə səylərin göstərilməsinə dair Bəyannamə" imzalanıb.