"29 SENTYABR" TARIXIMIZDƏ
Ana səhifə > Xəbərlər > "29 Sentyabr" tariximizdə
521    
28/09/2017

1619-cu ildə - Osmanlı sultanı II Osman Səfəvi-Osmanlı sülh müqaviləsini təsdiq edərək Avropa səfərinə çıxdı. 1618-ci il Səfəvi-Osmanlı sülh müqaviləsini Şah Abbas pozdu. XVII əsrin 20-ci illərində Osmanlı imperiyasında hərc-mərclik başlandı. Ölkədə yeniçərlər özbaşınalıq edir, sultanları hakimiyyətdən devirir, başqası ilə əvəz edirdilər. Bundan istifadə edən Şah Abbas 1622-1623-cü illərdə İraqi Ərəbi-Bağdad, Kərbəla, Nəcəf, Mosul və Kərkük şəhərlərini ələ keçirdi. Az sonra isə, 1618-ci ilin sülhünə görə, osmanlılarda qalan Axalsıx qalası tutuldu.

1886-cı ildə - Telefon xətləri sisteminə mərkəzləşmiş xarakter vermək üçün isə poçt və teleqraf baş idarəsi "Qustav List"lə 20 il müddətinə Bakıda, Qara şəhərdə və Bakının Sabunçu meydanında xüsusi telefon əlaqəsini nizamlamaq haqqında müqavilə bağladı.

1920-ci ildə - V.İ.Leninin sədrliyi ilə RK(b)P MK plenumu Azərbaycan SSR ilə RSFSR arasında bağlanacaq müqaviləni öncədən təsdiq etdi.

1955-cı ildə - Azərbaycanın Milli Qəhrəmanı, Qarabağ müharibəsi iştirakçısı Eldar Əsgər oğlu Ağayev (1955-2013) Gürcüstan SSR Tbilisi şəhərində hərbçi ailəsində dünyaya gəlmişdir.

1956-cı ildə - Azərbaycanın Milli Qəhrəmanı Zakir Tofiq oğlu Yusifov (1956-1992) Bakı şəhərində doğulmuşdur.

1965-ci ildə - Azərbaycanın xalq artisti, musiqiçi, tarzən Qurban Baxşəli oğlu Pirimov (1880-1965) Bakı şəhərində vəfat edib və I Fəxri Xiyabanda torpağa tapşırılıb.

1991-ci ildə - Azərbaycan Respublikasının bərabərlik əsasında iqtidar və müxalifəti təmsil edən 8 nəfərdən ibarət Milli Müdafiə Şurası yaradıldı. 

1994-cü ildə - Azərbaycan prezidenti Heydər Əliyev ilk dəfə BMT Baş Assambleyasında çıxış edib. Prezident Ermənistanın Azərbaycana qarşı işğalçılıq müharibəsi barədə dünya birliyinə məlumat verərək BMT-ni bu işğalçılığı dayandırmağa çağırıb.

1994-cü ildə - Bakıda parlamentin vitse-spikeri Afiyəddin Cəlil oğlu Cəlilov (1946-1994) və Prezident yanında Xüsusi İdarənin rəisi, polkovnik Şəmsi Nuru oğlu Rəhimov (1924-1994) qətlə yetiriliblər. Hadisə ilə bağlı Nyu-Yorkda bəyanat verən Heydər Əliyev terror aktının Azərbaycanın dövlətçiliyi əleyhinə yönəldiyini, lakin dövlətin bu təhdidlərdən sarsılmayacağını bildirib.

2001-ci ildə - Bakıda Azərbaycan prezidenti Heydər Əliyev və Gürcüstan prezidenti Eduard Şevardnadzenin görüşündə iki dövlət arasında "Şahdəniz" qazının tranzitinə (Bakı-Tbilisi-Ərzurum qaz kəməri layihəsi) dair saziş imzalanıb.