1016    

26/01/2017

Yanvarın 26-da saat 14-də Yazıçılar Birliyinin “Natəvan” klubunda yazıçı-jurnalist Nəcibə Bağırzadənin Rəsulzadələr ailəsi haqqında yazdığı növbəti kitabın təqdimatı olub. Azərbaycan Cümhuriyyəti-nin qurucularından biri olan Məhəmməd Əmin Rəsulzadənin böyük oğlu Rəsul Rəsulzadəyə həsr olunmuş kitab ilk dəfə işıq üzü görən arxiv sənədləri əsasında yazılıb. Nəcibə Bağırzadə Rəsulzadələrə həsr olunan “Gecikmiş etiraf kimi”, “Azərbaycan həsrəti” və “Uzaqdakı yaxınlar” kitablarının müəllifidir. Rəsul Rəsulzadə 1918-ci ildə Bakıda doğulub. 1937-ci il iyulun 15-də “Müsavat” liderinin oğlu” kimi həbs olunaraq 19 yaşında güllələnib.