"4 OKTYABR" TARIXIMIZDƏ
Ana səhifə > Xəbərlər > "4 Oktyabr" tariximizdə
532    
03/10/2017

1895-ci ildə - Məşhur sovet kəşfiyyatçısı, Sovet İttifaqı Qəhrəmanı Rixard Zorge (1895-1944) Bakı şəhərinin Sabunçu qəsəbəsində alman Vilhelm Zorgenin ailəsində anadan olmuşdur. SSRİ ilə Almaniya arasında müharibə öncəsi Sovet İttifaqı rəhbərliyinə ən məxfi məlumatları ötürüb. 1941-ci ildə Yaponiyada həbs olunub, 1944-cü ildə öldürülüb.

1962-ci ildə - Azərbaycan Respublikasının Əməkdar artisti, Xalq artisti Əli Mirzəli oğlu Qurbanov (1898-1962) Bakıda vəfat etmişdir.

1963-cü ildə - Azərbaycan Milli Qəhrəmanı Nofəl Zahid oğlu Quliyev (1963-1991) indiki Şirvan şəhərində anadan olmuşdur.

1991-ci ildə - Erməni silahlı dəstələri Dağlıq Qarabağ Muxtar Vilayətinin Martuni və Hadrut rayonlarında azərbaycanlı yaşayış məntəqələrinə hücumlara başlayıblar. Halbuki bundan az öncə Ermənistan və Azərbaycan rəhbərliyi münaqişənin sülh yolu ilə nizamlanmasına dair razılığa (23 sentyabr, Jeleznovodsk) gəlmişdi. İki ay sürən silahlı basqınlar nəticəsində 30-dan çox yaşayış məntəqəsində azərbaycanlı əhalinin etnik təmizlənməsi həyata keçirildi. Regiondakı SSRİ Daxili Qoşunlarının bölmələri baş verənlərə seyrçi idi.

1994-cü ildə - Azərbaycanın Milli Qəhrəmanı, Qarabağ müharibəsi iştirakçısı Natiq Bəşir oğlu Məmmədov (1975-1994) şəhid oldu. 

2000-ci ildə - Bəstəkar, pianoçu, dirijor, bir çox simfonik əsərlərin, kantataların, fortepiano əsərlərinin müəllifi, Azərbaycan SSR-in xalq artisti (1964), Azərbaycan caz və estrada musiqisinin banilərindən biri Tofiq Ələkbər oğlu Quliyev (1917-2000) Bakıda vəfat edib. 

2006-cı ildə - Azərbaycanın görkəmli teatr və kino aktyoru, Xalq Artisti, Şöhrət ordeni laureatı, Azərbaycan Dövlət Musiqili Teatrınının keçmiş direktoru və bədii rəhbəri, "Tənqid-təbliğ" teatrının direktoru və bədii rəhbəri Hacıbaba Ağarza oğlu Bağırov (1932-2006) vəfat edib.