"11 NOYABR" TARIXIMIZDƏ
Ana səhifə > Xəbərlər > "11 Noyabr" tariximizdə
1145    
11/11/2017

1883-cü ildə - Repressiya qurbanı, vəkil, pedaqoq, dövlət xadimi, Azərbaycan Xalq Cümhuriyyətinin 5-ci  hökumət  kabinəsində maliyyə naziri təyin olunmuş Rəşid xan Zavid oğlu Qaplanov (1883-1937) Dağıstanın Xasavyurd qəzasının Ağsay kəndində zadəgan ailəsində doğulmuşdur.

1917-ci ildə - Rusiyadakı "Oktyabr inqilabı"ndan (25 oktyabr çevrilişi) sonra bolşeviklərin Cənubi Qafqazda hakimiyyəti ələ almaq cəhdlərinə qarşı çıxan gürcü, erməni, azərbaycanlı və rus millətçi partiyaları Tiflisdə birgə fəaliyyət barədə qərar qəbul ediblər. Gürcü sosial-demokrat (menşevik) partiyası, "Daşnaksütyun", "Müsavat" və rus millətçiləri - "eser"lər Rusiyadakı bolşevik hakimiyyətini tanımadıqlarını və "Müstəqil Zaqafqaziya hökuməti" yaratdıqlarını bəyan ediblər. Noyabrın 15-də sözügedən partiyaların iştirakı ilə müştərək hökumət - "Zaqafqaziya Komissarlığı" təşkil edildi. Gürcü Y.Qeqeçkorinin sədrlik etdiyi "Zaqafqaziya Komissarlığı"na Azərbaycandan F.Xoyski, M.Cəfərov, H.Məlikaslanov daxil idi.

1921-ci ildə - Ədəbiyyatşünas, Azərbaycan Yazıçılar Birliyinin üzvü, filologiya elmləri namizədi, xalq şairi Balaş Allahbaxış oğlu Abizadə (1921-2011) Bakı şəhərində anadan olmuşdur. Orta təhsilini də burada almışdır.

1934-cü ildə - “Şöhrət” ordeni ilə təltif edilmiş Azərbaycanın xalq artisti İslam Tapdıq oğlu Rzayev (1934-2008) Füzuli rayonunun Sərdarlı kəndində anadan olmuşdur.

1934-cü ildə - “Şərəf Nişanı” ordeni və Azərbaycan Respublikası Ali Sovetinin Rəyasət Heyətinin Fəxri fərmanı ilə təltif olunmuş Əməkdar elm xadimi, AMEA-nın müxbir üzvü Arif Əliheydər oğlu Babayev (1934-1998) Bakı şəhərində anadan olmuşdur.

1948-ci ildə - Energetiklər şəhəri Mingəçevir şəhərinin təməli qoyulub. Kür çayı üzərində Cənubi Qafqazın ən böyük su elektrik stansiyasının və Mingəçevir su anbarının tikintisinin başlanması bölgədə iri sənaye mərkəzinin yaranmasına təkan verdi. Ötən 60 ildə Mingəçevir 100 min nəfər əhalisi olan böyük yaşayış məntəqəsinə çevrilib.

1974-cü ildə - Azərbaycan Milli Şurası Müsavat Partiyasının 1-ci dönəm İğdır millət vəkili, eyni zamanda Difai Təşkilatının üzvü, İttihad-i İslam Türk Birliyi Cəmiyyəti İğdır təmsilçisi olmuş İğdır İcra Komitəsininin təsisçisi (1915-1917), İğdır Milli Cumhuriyyətinin başçısı (1916-1920) Əli Əkbər Tufan (1874-1974) vəfat etdi. Təsisçisi olduğu İğdır Milli Cumhuriyyəti İğdır, Tuzluca, Aralıq, Şərur, Şərqi Bəyazid, Vedibasar, Sərdarabad ərazilərini əhatə edirdi. 

2004-cü ildə - Azərbaycanla Nauru dövləti arasında diplomatik əlaqələr qurulub.