"22 NOYABR" TARIXIMIZDƏ
Ana səhifə > Xəbərlər > "22 Noyabr" tariximizdə
334    
22/11/2017

1918-ci ildə - Azərbaycan Xalq Cümhuriyyətinin Nazirlər Şurası Ədliyyə Nazirliyinin Əsasnaməsini təsdiq edib. Bu tarix Azərbaycan ədliyyə işçilərinin peşə bayramı günü kimi qeyd olunur.

1922-ci ildə - Görkəmli Azərbaycan bəstəkarı, SSRİ xalq artisti, SSRİ dövlət mükafatı laureatı, Azərbaycan SSR dövlət mükafatı laureatı Fikrət Məşədi Cəmil oğlu Əmirov (1922-1984) anadan olub. Bəstəkarın "Min bir gecə" baleti dünya musiqi xəzinəsinin inciləri sırasına daxildir.

1933-cü ildə - Kinorejissor, kinooperator, ssenarist, Azərbaycanın xalq artisti Rasim Mirqasım oğlu Ocaqov (1933-2006) Şəkidə anadan olub.

1938-ci ildə - Tanınmış aktyor, xalq artisti Həsən Ağaməmməd oğlu Məmmədov (1938-2003) Salyan rayonunda anadan olub.

1949-cu ildə - Sumqayıt şəhərinin yarandığı gündür. Xəzər sahilində yenişəhərin salınması 1938-ci ildə İES-in tikintisi ilə başlanıb. Onun ardınca 40-cı illərdə kimya və metallurgiya zavodlarının inşası başlandı. Şəhərin tikintisində SSRİ-nin bütün respublikalarından inşaatçı dəstələriştirak edirdi. 1949-cu il noyabrın 22-də Azərbaycan SSR Ali Soveti Rəyasət Heyətinin fərmanı ilə Sumqayıta şəhərstatusu verilib.

1982-ci ildə - Heydər Əliyev SSR-nin ali rəhbərliyinə - Sov.İKP MK Siyasi Bürosuna üzv (1978-ci ildən Siyasi Büro üzvlüyünə namizəd idi) seçilib, eyni zamanda, SSRİ Nazirlər Soveti sədrinin 1-ci müavini təyin edilib. Sovet İttifaqı tarixində ilk dəfə olaraq belə yüksək posta müsəlman-türk respublikasının nümayəndəsi yüksəlmişdi.

1995-ci ildə - Azərbaycanla Yamayka arasında diplomatik münasibətlər qurulub.

2007-ci ildə - Bakı-Tbilisi-Qars dəmir yolu xəttinin Gürcüstan hissəsinin (Tbilisi-Axalkalaki-Türkiyə sərhədi) təməlatma mərasimi keçirilib. Mərasimdə Azərbaycan, Gürcüstan və Türkiyə prezidentləri İlham Əliyev, Mixail Saakaşvili və Abdullah Gül iştirak ediblər.