"12 DEKABR" TARIXIMIZDƏ
Ana səhifə > Xəbərlər > "12 Dekabr" tariximizdə
240    
12/12/2017

1727-ci ildə - Rusiya ilə Osmanlı imperiyası arasında Nabur sülh müqaviləsi imzalanıb. Ruslarla yekunlaşdırılan danışıqların məntiqi nəticəsi kimi Osmanlılar Cavad, Salyan, Şeşpara, Rustov, Quba və Təngidə rusların ağalığını tanıyır.  

1905-ci ildə - Qacar dövlətində inqilab başlanıb. Rusiyadakı 1905-ci il inqilabının təsiri altında başlayan və tarixə Məşrutə (Konstitusiya) inqilabı adı ilə düşən hadisələr tədricən (1908-ci ildən) Cənubi Azərbaycanda milli hərəkata çevrilib. Səttərxanın başçılıq etdiyi inqilab 1911-ci ilin dekabrında Rusiyanın Qacar rejiminə köməyi ilə yatırılıb. Təbrizə daxil olan rus qoşunları inqilabçılara divan tutublar.

1926-cı ildə - Aşıq-şair, Azərbaycanın əməkdar mədəniyyət işçisi, Yazıçılar İttifaqının üzvü Əlipənah Ələsgər oğlu Pənahov (1926-1978) Salyanda doğulmuşdur.

1939-cu ildə - Azərbaycanın əməkdar incəsənət xadimi, kinorejissor, ssenari müəllifi, aktyor Fikrət Əliyev (1939-2016) Bakı şəhərində anadan olub.

1945-ci ildə - Məşrutə inqilabının ildönümündə Cənubi Azərbaycanda Seyid Cəfər Pişəvərinin rəhbərliyi altında yeni inqilab qələbə çalıb. Cənubi Azərbaycan Milli Məclisinin qərarı ilə Pişəvərinin başçılığı altında Milli Hökumət qurulub. Hərəkata dəstək verən sovet qoşunları İranı tərk edəndən sonra şah rejimi Milli Hökumət üzərinə hücuma keçdi. Pişəvəri hərakatı və 1946-cı ilin dekabrında süqut etdi. Azərbaycan SSR-ə mühacirət edən Pişəvəri 1947-ci ilin yayında müəmmalı avtomobil qəzasında həlak oldu.

1968-ci ildə - Azərbaycanın teatr və kino aktyoru, xalq artisti Mustafa Həşim oğlu Mərdanov (1894-1968) Bakıda vəfat etmişdir.

1999-cu ildə - Azərbaycanda ilk bələdiyyə seçkiləri keçirilib. Seçkilər nəticəsində ölkə üzrə 2660-dək bələdiyyə (21 mindən çox bələdiyyə üzvü) formalaşdı. Ən böyük bələdiyyəyə 19, ən kiçik bələdiyyədə 5 üzv seçilmişdi.

2002-ci ildə - Azərbaycan ədəbiyyatının görkəmli nümayəndəsi, əməkdar incəsənət xadimi, Azərbaycan Respublikası prezidentinin fərdi təqaüdçüsü, xalq şairi Cabir Mirzəbəy oğlu Novruzov (Cabir Novruz) (1933-2002) vəfat etmişdir.

2003-cü ildə - Görkəmli dövlət xadimi, Azərbaycan Respublikasının üçüncü Prezidenti Heydər Əliyev ABŞ-ın Ohayo ştatının Klivlend Klinikasında uzun sürən xəstəlikdən sonra vəfat edib. Azərbaycanda 7 günlük matəm elan olunub.