"21 DEKABR" TARIXIMIZDƏ
Ana səhifə > Xəbərlər > "21 Dekabr" tariximizdə
101    
21/12/2017

1923-cü ildə - Dövlət Mükafatı Laureatı, əməkdar elm xadimi, tarixçi və şərqşünas, akademik, Sovet İttifaqı Qəhrəmanı Ziya Musa oğlu Bünyadov (1923-1997) Astarada anadan olub. 

1923-cü ildə - Azərbaycanın xalq artisti, Azərbaycan Respublikası Prezidentinin fərdi təqaüdçüsü, "Şöhrət" ordeni laureatı Tükəzban Məhərrəm qızı İsmayılova (1923-2008) Bakı şəhərində anadan olmuşdur.

1927-ci ildə - Məşhur heykəltəraş, Azərbaycan Respublikasının xalq rəssamı_ Azərbaycan Milli Elmlər Akademiyasının həqiqi üzvü, Azərbaycan Rəssamlıq Akademiyasının rektoru, "Heydər Əliyev" ordeni laureatı Ömər Həsən oğlu Eldarov anadan olub. 

1949-cu ildə - Azərbaycanda travmatologiya elminin banisi, tibb elmləri doktoru, professor, Kiyev Dövlət İnstitutunun tibb fakültəsinin məzunu Mir Əbülfət bəy Mir Rza xan oğlu Talışınski (1885-1949) vəfat edib. 

1991-ci ildə - Qırğızıstan Respublikası Azərbaycanın müstəqilliyini tanıyıb. İki ölkə arasında diplomatik münasibətlər 1993-cü il yanvarın 19-da qurulub.

1999-cu ildə - Yeni Azərbaycan Partiyasının I qurultayında millət vəkili, ARDNŞ-nin 1-ci vitse-prezidenti İlham Əliyev YAP sədrinin müavini seçilib. 2001-ci ilin noyabrında partiyanın növbəti qurultayında İlham Əliyev YAP sədrinin 1-ci müavini seçildi. 2005-ci ildən partiyanın sədridir.  

2015-ci ildə - Azərbaycan teatr və kino aktyoru, Azərbaycanın əməkdar artisti Ələsgər Məmmədoğlu (1946-2015) vəfat edib. 

2016-cı ildə - Tarix elmləri doktoru, professor Adil Əli oğlu Məmmədov (1929-2016) Bakı şəhərində vəfat edib.