"26 DEKABR" TARIXIMIZDƏ
Ana səhifə > Xəbərlər > "26 Dekabr" tariximizdə
30    
26/12/2017

1918-ci ildə - Cümhuriyyət parlamenti F.Xoyskinin qurduğu 3-cü hökuməti təsdiqləyib. 14 nəfərlik koalisiya hökumətində 3 rus nazir yer almışdı. General Tomson F.X.Xoyskinin yaratdığı və 1918-ci il dekabrın 26-da parlamentin təsdiq etdiyi hökumətə müttəfiqlər ordusu komandanlığının hərtərəfli yardım edəcəyi haqqında bəyanat verdikdən 8 sonra Erməni Milli Şurası və Slavyan-Rus Cəmiyyəti Şurası parlamentə daxil olmaq haqqında qərar qəbul
etdilər.

1918-ci ildə - Azərbaycan və Gürcüstan respublikaları arasında "Azərbaycan dəmir yolunun Zəyəm stansiyasından Gürcüstan dəmir yolunun Saloğlu stansiyasınadək neft ötürülməsinin müvəqqəti qaydaları" haqqında tranzit müqaviləsi bağlandı.

1919-cu ildə - Azərbaycanın Əməkdar incəsənət xadimi, Xalq artisti, rəqqasə Əminə Paşa qızı Dilbazi (1919-) Qazax rayonunun Musagöy kəndində anadan olmuşdur.

1932-ci ildə - Şair, dramaturq, tərcüməçi, Azərbaycan Yazıçlar Birliyinin üzvü Yusif Qonaq oğlu Həsənbəyov Quba şəhərində anadan olmuşdur.

1940-cı ildə - Tibb elmləri üzrə fəlsəfə doktoru, həkim, şair, nasir, publisist. Azərbaycan Yazıçılar Birliyinin üzvü, Türk Dövlətləri Oftalmoloji Dərnəyinin Azərbaycan üzrə təmsilçisi, MDB Oftolmologiya Assosiasiyasının İdarə Heyətinin üzvü Tamilla Şəfəq (Ağayeva Tamilla Sultan qızı) Bakı şəhərində anadan olub.

1950-ci ildə - Azərbaycan Respublikasının xalq artisti, Prezident təqaüdçüsü, kino aktrisası Nuriyyə Əliağa qızı Əhmədova (1950-2015) anadan olub. 

1956-cı ildə - Azərbaycanın Milli Qəhrəmanı Vəzir Surxay oğlu Orucov (1956-1993) Tərtər rayonunun Xoruzlu kəndində anadan olmuşdur.

1956-cı ildə - Şair, tərcüməçi, şərqşünas-alim Nəriman Qasım oğlu Qasımzadə Bakıda doğulmuşdur.

1965-ci ildə - Azərbaycanın Milli Qəhrəmanı, Qarabağ müharibəsi şəhidi Eldar İsfəndiyar oğlu Həsənov (1965-1994) Cəlilabad rayonunda anadan olmuşdur.

1991-ci ildə - Xankəndi (Stepanakert) şəhərindən sonuncu azərbaycanlı ailələr qovulub, 1989-cu ildən şəhərdə azərbaycanlılara (7 min nəfər) qarşı aparılan etnik təmizləmə başa çatıb. 26 dekabr Xankəndinin ermənilər tərəfindən işğalı günüdür.

1991-ci ildə - Kuba Azərbaycanın müstəqilliyini tanıyıb. İki ölkənin diplomatik əlaqələri 1992-ci il martın 27-də quruldu.

1991-ci ildə - Avstraliya Azərbaycanın müstəqilliyini tanıyıb. Diplomatik münasibətlər 1992-ci iyunun 19-da quruldu.

2001-ci ildə - Azərbaycanda kommunal, nəqliyyat və digər güzəştlərin müavinətlərlə əvəz olunması barədə fərman verilib. Sovet dövründən qalan ümumi imtiyazlar sistemi ləğv olunub, konkret və ünvanlı güzəştlərin tətbiqi başlanıb. 

2016-cı ildə - Tarix elmləri doktoru, AMEA-nın müxbir üzvü, şərqşünas, epiqraf Məşədixanım Sədulla qızı Nemətova (1924-2016) Bakı şəhərində vəfat etmişdir.