"27 DEKABR" TARIXIMIZDƏ
Ana səhifə > Xəbərlər > "27 Dekabr" tariximizdə
110    
27/12/2017

1805-ci ildə - Qarabağ və Şəki xanlıqlarını ələ keçirəndən (may 1805) sonra Şirvan xanlığı üzərinə yürüşə başlayan rus qoşunları Şamaxı şəhərinə daxil olublar. Şirvan xanlığı çar Rusiyası tərəfindən işğal olunub.

1932-ci ildə - SSRİ-də məcburi pasport sistemi və yaşayış yeri üzrə qeydiyyat rejiminə keçid elan edilib. Sovetləşmədən sonra bolşeviklər ölkə daxilində pasportları (pasport yalnız xaricə səfərlər üçün verilirdi) çarizmin mürtəce qalığı elan edərək ləğv etmişdilər. Lakin tezliklə insanların sərbəst hərəkətinin sovet idarəçilik rejimi ilə ziddiyyət təşkil etdiyi üzə çıxdı. SSRİ Xalq Komissarları Sovetinin qəbul etdiyi qərara əsasən, pasport və yaşayış yeri üzrə məcburi qeydiyyat rejimini pozanlara qarşı inzibati, hətta cinayət məsuliyyəti tətbiq olunmağa başlandı.

1932-ci ildə - Bəstəkar, Azərbaycan Respublikasının xalq artisti, Azərbaycan Respublikasının əməkdar incəsənət xadimi (1992), Azərbaycanda ilk rok operettanın müəllifi Oqtay Məmməd oğlu Kazımov (1932-2010) Astara şəhərində anadan olmuşdur.

1991-ci ildə - Kamboca Azərbaycanın müstəqilliyini tanıyıb. İki ölkənin diplomatik əlaqələri 1994-cü il dekabrın 28-də qurulub.