“AZƏRBAYCAN CÜMHURIYYƏTI - 100” ADLI MÜSABIQƏ ELAN EDILDI
Ana səhifə > Xəbərlər > “Azərbaycan Cümhuriyyəti - 100” adlı müsabiqə elan edildi
271    
06/01/2018

2018-ci il may ayının 28-də müsəlman Şərqində ilk parlamentli respublikanın – Azərbaycan Xalq Cümhuriyyətinin yaranmasının 100 illiyi tamam olur. Bununla bağlı Azərbaycan Respublikası Prezidenti 16 may 2017-ci il tarixdə “Azərbaycan Xalq Cümhuriyyətinin 100 illik yubileyi haqqında” sərəncam imzalayıb. 
“İçərişəhər” Dövlət Tarix-Memarlıq Qoruğu İdarəsi bununla əlaqədar müsabiqə elan edir.
Müsabiqəni təşkil etməkdə məqsəd sərəncamdan irəli gələn bir çox layihələri icra etməklə yanaşı,  gənclərə Cümhuriyyət tarixini və fəaliyyətini mükəmməl mənimsətmək, onların arasında maariflənmə işini gücləndirmək, elmi potensialı olan gəncləri bu mövzuda yeni araşdırmalara cəlb etməkdir.

Müsabiqədə 35 yaşa qədər gənc tədqiqatçılar iştirak edə bilər.
Müsabiqənin şərtləri:

a) müsabiqəyə qədər heç yerdə dərc edilməyən məqalələr qəbul edilir;

b) işlərin məzmununa dair əsas tələblər:

- tarixi faktlar və etibarlı mənbələrdən istifadə;

- orijinallıq;

- plagiat elementlərinin olmaması;

- elmi yenilik, mövzunun əhatə olunması, fərdi yanaşma;

- materialın oxucu üçün məlumatlılıq səviyyəsi;

- dil və üslub xüsusiyyətləri, bədii-estetik ifadəsi.

c) məqalələrTimes New Roman şrifti ilə, ölçü 14, sətirarası interval 1,5, simvol sayı 25000-30000 (A4 formatda 10-12 səhifə) olmaqla qəbul edilir;

ç) materiallar Azərbaycan, türk, rus və ingilis dillərində təqdim edilə bilər;

d) təqdim olunacaq məqalələr elektron formada 01 mart 2018-ci il tarixədək musabiqe@icherisheher.gov.az ünvanına göndərilməlidir;

e) məqalə ilə birlikdə iştirakçının özü haqqında aşağıdakı məlumatlar da göndərilməlidir:

-pasport məlumatları (soyadı, adı, atasının adı, təvəllüdü, qeydiyyat ünvanı)

-təmsil etdiyi ali məktəbin və ya elm müəssisəsinin adı, ünvanı;

-vəzifəsi, fakültənin, kafedranın, şöbənin adı və s;

-elektron poçt ünvanı;

-əlaqə telefonları.
Mükafatlar:

I yer – 1000 AZN

II yer – 500 AZN

III yer – 300 AZN

IV yer – 200 AZN

Qeyd: Məqalələr münsiflərə imzasız təqdim ediləcəkdir. Ən yaxşı məqalələrin müəllifləri 2018-ci ilin may ayında “İçərişəhər” Dövlət Tarix-Memarlıq Qoruğu İdarəsinin inzibati binasında Cümhuriyyətin 100 illiyinə həsr olunmuş tədbirdə mükafatlandırılacaq. Müsabiqəyə göndərilən məqbul məqalələr “İçərişəhər” Dövlət Tarix-Memarlıq Qoruğu İdarəsinin “Elmi araşdırmalar” toplusunda dərc olunacaq.

Əlaqə telefonları: 497-63-59 (Nərmin Alıyeva)
437-31-75 (Həcər Alxasova)