1155    

03/02/2017

1869-cu ildə - Görkəmli şərqşünas alim, professor və şair Mirzə Cəfər Əlimərdan bəy oğlu Topçubaşov (1790-1869) vəfat edib.

1916-ci ildə - Müəllim, publisist, tərcüməçi Mir Haşım bəy Mir İman bəy oğlu Vəzirov (1868-1916) vəfat edib. 

1919-cu ildə - Azərbaycan parlamenti bu tarixdə keçirilmiş iclasında ilk dəfə olaraq aqrar məsələyə baxdı və onun tapşırığı ilə hümmətçi-menşevik Səməd bəy Ağamalıoğlunun başçılıq etdiyi aqrar komissiya yaradıldı. Onun 9 nəfər üzvündən dördü "Müsavat"dan (Mustafa  Mahmudov, Məmmədbəy Şeyxzamanov, Murtuz Axundzadə və Nəriman bəy Nərimanbəyov), "İttihad"dan (Bəhram bəy Vəzirov), sosialist blokundan (Rza bəy Qaraşarov), "Əhrar"dan (Hacı Hüseyn Əfəndiyev), "Daşnaksutyun"dan (Arşak Malxazyan) və "Rus-Slavyan Cəmiyyəti"ndən (M.N.Vinoqradov) idi. 

1921-ci ildə - Dünya şöhrətli azərbaycanlı alim Lütfi Zadə (Lütfəli Rəhim oğlu Əsgərzadə) Bakıda anadan olub. 

1939-cu ildə - Azərbaycan Respublikasının Əməkdar artisti, aktyor Tariyеl İsgəndər oğlu Qasımоv Ağstafa rayonunun Köçəsgər kəndində anadan olmuşdur.

1945-ci ildə - Tanınmış müğənni və bəstəkar, xalq artisti, ictimai-siyasi xadim  Polad Bülbüloğlu Məmmədov Bakıda anadan olub. 

1954-cü ildə - 9 il müddətində tikilmiş Mingəçevir SES istismara verildi. 

1959-cu ildə - Azərbaycanın tanınmış hərbi diktoru, hərbi vətənpərvərlik mahnılarının ifaçısı Şəmistan Hüseyn oğlu Əlizamanlı Gürcüstan Respublikasının Marneuli rayonunun Aşağı Qullar kəndində anadan olub. 

1974-cü ildə - Görkəmli riyaziyyatçı alim, akademik, Azərbaycan SSR Elmlər Akademiyasının prezidenti Zahid İsmayıl oğlu Xəlilov (1911-1974) Bakıda vəfat edib.

1982-ci ildə - Görkəmli aktyor və rejissor Miribrahim Tağı oğlu Həmzəyev (1908-1982) vəfat edib. 

1994-cü ildə - Prezident Heydər Əliyev "Azərbaycanın dəniz neft və qaz yataqlarının işlənməsinin sürətləndirilməsi haqqında" sərəncam imzalayıb.