AZƏRBAYCAN XALQ CÜMHURIYYƏTININ 100 ILLIYINƏ DƏYƏRLI TÖHFƏ
Ana səhifə > Xəbərlər > Azərbaycan Xalq Cümhuriyyətinin 100 illiyinə dəyərli töhfə
1056    
12/06/2018

AMEA Rəyasət Heyətinin təsisçisi olduğu beynəlxalq "Türkologiya" jurnalının məsul katibi, filologiya üzrə fəlsəfə doktoru Elçin İbrahimovun “Azərbaycan Xalq Cümhuriyyəti: dil məsələləri” kitabı “XAN” nəşriyyatında çapdan çıxıb.

Kitabın elmi redaktoru akademik Kamal Abdullayev, rəyçiləri akademik Möhsün Nağısoylu və professor Adil Babayevdir. Nəşrdə Azərbaycan Xalq Cümhuriyyəti dövründə dil siyasəti və əlifba məsələləri, dil haqqında qəbul olunmuş qərarlar və onların cəmiyyətdə əks-sədası, parlamentin rəsmi dili kimi maraqlı məsələlər arxiv materialları və o dövrün stenoqrafik hesabatları əsasında işıqlandırılıb.