1041
13/02/2017 1916-cı ildə - Bakıda tətil hərəkatı getdikcə güclənir, daha geniş əhali kütlələrini əhatə edirdi. Fevral ayının 14-16-da şəhərdə həyəcanlar baş verdi. Deputat Cəfərov məlumat verir ki, Bakıda bahalılıqla əlaqədar tətillər baş verdi. Bazarlardan başladı. Qadınlar əvvəlcə xırda tacirləri qarət etdilər, daha sonra iri tacirlərə keçdilər; malları ya küçələrə atır, yaxuda da daşıyırdılar. İkinci gün talan mərkəzi küçələrdəki mağazalara yayıldı. 3-cü gün kütlələr dəyirmanları, un və şəkər anbarlarını qarət etməyə başladılar. Polisin münasibəti olanlara biganə idi, polis məmurları hətta tacirlərdən oğruyanları müdafiəı edirdilər. Yalnız dördüncü günü nizamsızlıqlardan aradan qaldırıldı.
1918-ci ildə - Cənubi Qafqazdan Ümumrusiya parlamentinə - Müəssislər Məclisinə seçilmiş azərbaycanlı (müsəlman), gürcü və erməni deputatlar Tiflisdə toplaşaraq Cənubi Qafqaz (Zaqafqaziya) Seymini yaradıblar. Ümumrusiya Müəssislər Məclisinə seçkilər 1917-ci ilin noyabrında, bolşevik çevrilişindən sonra keçirilmişdi. Lakin bolşeviklər bu seçkilərdə faktiki olaraq uduzduqları üçün (o cümlədən Cənubi Qafqazda) Müəssislər Məclisinin fəaliyyətə başlamasına imkan vermədilər. Bundan sonra Cənubi Qafqazdan seçilmiş deputatlar regional parlament (Seym) yaratmaq qərarına gəldilər. Seymin 44 nəfərlik müsəlman fraksiyası Zaqafqaziya müsəlman parlamenti funksiyasını (Cənubi Qafqaz üzrə 1 milyon müsəlman seçicini təmsil edirdi) yerinə yetirirdi.
1918-ci ildə - Görkəmli memar, tarixçi, Azərbaycan SSR Dövlət Mükafatı laureatı, Beynəlxalq Şərq Akademiyasının fəxri üzvü Davud Ağa oğlu Axundov (1918-2003) Bakı şəhərində anadan olmuşdur.
1928-ci ildə - Azərbaycan Milli Elmlər Akademiyasının həqiqi üzvü, Azərbaycan Milli Elmlər Akademiyası Botanika İnstitutunun direktoru, biologiya elmləri doktoru, professor Vahid Cəlal oğlu Hacıyev (1928-2008) Şuşa şəhərində anadan olmuşdur.
1939-cu ildə - Xanəndə, əməkdar artist Süleyman Cümşüd oğlu Abdullayev Şuşada anadan olmuşdur.
1940-cı ildə - Azərbaycanlı aktrisa, diktor və mədəniyyət xadimi Tamara Gözəlova-Ağamirova Bakıda, Içərişəhərdə ziyalı ailəsində anadan olub.
1954-cü ildə - Fevralın 14-16-da Azərbaycan KP-nin XX qurultayı keçirildi və akademik İ.D.Mustafayev MK-nın birinci katibi vəzifəsinə təyin edildi. İmam Daşdəmir oğlu Mustafayev (25.02.1910-10.03.1997) Zaqatala qəzasının Qax kəndində anadan olub. Görkəmli bioloq-alim, Azərbaycan SSR Elmlər Akademiyasının akademiki (1950), 1934-1940-cı illərdə AKTİ-də işləmiş, 1940-cı ildən Sov.İKP üzvü idi. 1940-1954-cü illərdə Azərbaycan SSR Dövlət nəzarəti komissarının birinci müavini, xalq torpaq komissarının birinci müavini, Azərbaycan SSR kənd təsərrüfatı naziri, AKP Gəncə Vilayət Komitəsinin birinci katibi və AKP-nin birinci katibi (1954-1959-cu illərdə) işləmişdi.
1956-cı ildə - Azərbaycan televiziyasının yarandığı gündür. Həmin gün Bakı televiziya studiyası yayıma başlayıb. Bakı studiyası əvvəlcə həftədə 3 dəfə, 1957-ci ildən 5 dəfə 2 saatlıq proqramla efirə çıxırdı. 2005-ci ildən Azərbaycan televiziyası sutkalıq yayıma keçdi.
1980-ci ildə - Görkəmli kino və teatr rejissoru, aktyor və pedaqoqu Rza Abbasqulu oğlu Təhmasib (1894-1980) vəfat edib.
1992-ci ildə - Azərbaycan Ordusunda Hərbi Hava Qüvvələrinin ilk bölməsi formalaşıb. 1992-ci ilin sentyabrında verilən prezident fərmanı ilə 14 fevral - Azərbaycan Hərbi Hava Qüvvələri günü kimi qeyd olunur.
1992-ci ildə - MDB ölkələri başçılarının Minsk görüşündə Ukrayna, Belarus, Azərbaycan və Moldova qəti şəkildə milli ordu yaratmaq istədiklərini bildirdilər və keçmiş sovet ordusu mirasından paylarını tələb etdilər.
1993-cü ildə - Ağdərə bölgəsində gedən döyüşlərdə Afiq Eyvaz oğlu Əsədov (1970-1993) şəhid olmuşdur. Qaracəmirli kənd orta məktəbi bu igid döyüşçünün adını daşıyır.
2011-ci ildə - Azərbaycanın yeni televiziya kanalı olan "Mədəniyyət" kanalı işə başlamışdır.