AZƏRBAYCAN ATABƏYLƏR DÖVLƏTI (1136-1225) KİTABI HAQQINDA

AMEA-nın akademiki Z.M.Bünyadovun oxuculara təqdim edilən kitabı Azərbaycanın və qonşu ölkələrin tarixinin təxminən bir əsrlik dövrünün tədqiqinə həsr edilib.  Kitaba Azərbaycanda Atabəylərin ağalığı dövründə Şirvanın sülalə və siyasi tarixinə dair oçerklər də əlavə edilib. Bu da oxucuya XII-XIII əsrlərdə Cənubi Qafqazda siyasi vəziyyətlə bağlı tam təsəvvür əldə etmək imkanı verir. Kitabda Azərbaycan Atabəyləri dövlətində idarəetmə üsulu məsələləri ilk dəfə olaraq nəzərdən keçirilir. Bu dövlətin mədəni həyatı, vergi sistemi, şəhər və saray iyerarxiyası, əkinçilik və torpaqdan istifadə edilməsi qaydası yeni səpkidə təhlil olunur. Tədqiqat prosesində Azərbaycan tarixi üçün yeni olan bir sıra orta əsr yazılı mənbələrindən də istifadə edilmişdir.