HEYDƏR ƏLIYEV IDEYALARININ ZƏFƏR YÜRÜŞÜ (UKRAYNCA) KİTABI HAQQINDA

Kitabda Azərbaycan dövlətçiliyi tarixi fonunda Heydər Əliyev şəxsiyyəti, onun ideyalarının və zəngin irsinin davamçısı olan Prezident İlham Əliyevin uzaqgörən daxili və xarici siyasətinin uğurları araşdırılır. Böyük Liderin doğma xalqı naminə keçdiyi həyat yoluna bu əsərdə xüsusi bölmələr həsr olunub: «Azərbaycan dövlətçiliyi tarixindən», «Azərbaycan dövlətçiliyinin xilaskarı», «Heydər Əliyevin minilliklərə baxışı və ya tariximizin dirçəliş konsepsiyası», «Milli qurtuluş uğrunda mübarizənin qalibi», «Yeni Azərbaycanın qurucusu», «Vətənimizin Atatürkü». Prezident İlham Əliyevin həyata keçirdiyi böyük quruculuq işləri, xalqın parlaq gələcəyini təmin etməyə yönəlmiş islahatlar proqramı və ümumilikdə xalq naminə fəaliyyəti «Heydər Əliyev ideyalarının zəfər yürüşü» adlı bölmədə tədqiq olunur. Kitab, Heydər Əliyevin irsini və bu strategiyanı müasir mərhələdə uğurla davam etdirən Prezident İlham Əliyevin fəaliyyətini araşdıran tarixçilər, eləcə də geniş oxucu auditoriyası üçün nəzərdə tutulub.