AZƏRBAYCAN TARIXI: GÜNBƏGÜN KİTABI HAQQINDA

“Azərbaycan tarixi: günbəgün” adlı kitab Effektiv Təşəbbüslər Mərkəzi tərəfindən Qeyri-Hökumət Təşkilatlarına Dövlət Dəstəyi Şurasının qrantı hesabına “Azərbaycançılıq - milli eyniyyətdən qlobal dünyaya pəncərə" tədqiqat və təbliğat layihəsi çərçivəsində hazırlanıb. 
Kitabın hazırlanmasında məqsəd Azərbaycanın zəngin keçmişini, tarix səhifələrində qalan ağlı-qaralı olayları, tariximizdə iz qoymuş, eləcə də ölkəmizin yeni tarixini, çağdaş həyatını əks etdirən hadisələri yeni formatda - təqvimin günləri boyunca oxuculara təqdim etməkdir. 
Kitab-təqvimin hazırlanmasında Azərbaycan tarixinə dair müxtəlif mənbələrdən - dərsliklərdən, xronoloji xülasə-toplulardan, internet resurslarından, kütləvi informasiya vasitələrindən və s. istifadə olunub.