1038    

10/01/2017

1906-cı ildə - Tarixçi və şərqşünas, akademik, əməkdar elm xadimi, dövlət mükafatı laureatı Əbdülkərim Əlizadə anadan olub.

1919-cu ildə - Hərbi qulluqçulann geyim formasında dəyişikliklər edilməsi və onun milli üslubda hazırlanması da əsgər və zabitlərin milli ruhunun formalaşması istiqamətində dəyərli addım oldu. Bunun üçün xüsusi komissiya yaradılmışdı. Komissiyaya general-leytenant Ə. Şıxlinski sədrlik edirdi və onun rəhbərliyi ilə hazırlanan hərbi geyim forması Azərbaycan Ordusunda I919-cu il yanvarın 11-dən rəsmiləşdirildi. 

1920-ci ildə - Paris Sülh Konfransı Ali Şurası Azərbaycanın de-fakto müstəqilliyinin tanınması haqqında qərar qəbul edib. 

1990-cı ildə - Azərbaycan Xalq Cəbhəsinin Lənkəran şöbəsinin qərarı ilə gecə vaxtı raykom, daxili işlər şöbəsi, rabitə qovşağı, mətbəə və digər dövlət müəssisələri mühasirəyə alındı, partiya komitəsinin, hökumət orqanlarının fəaliyyəti dayandırıldı. Müvəqqəti Müdafiə Komitəsi təsis olundu.

1994-cü ildə - Azərbaycan Latviya və Slovakiya ilə diplomatik münasibətlər qurub. 

2003-cü ildə - Prezident Heydər Əliyevə "ANS" Müstəqil Yayım və Media Şirkətinin və "Çingiz Mustafayev Fondu"nun təsis etdiyi "2002-ci ilin adamı" mükafatı təqdim edilib.