1284
15/03/2017 Azərbaycan Milli Elmlər Akademiyası Mərkəzi Elmi Kitabxanasının təşkilatçılığı ilə litvalı müəlliflər Alqimantas Liyekisin "Millətlərin Qafqazda köçü 20-ci əsr" (litva və rus dillərində) və Qintaras Visotskasın "Qara Bağın Faciəsi" (litva dilində) kitablarının təqdimat mərasimi keçirilib. Mərasimi giriş sözü ilə açan AMEA-nın İctimai Elmlər Bölməsinin rəhbəri, AMEA-nın müxbir üzvü Nərgiz Axundova təqdimatın elmi ictimaiyyət üçün vacib gün olduğunu bildirdi. İllərdir yaralı yerimiz olan Qarabağ həqiqətlərini dünya ictimaiyyətinə çatdırılmasına çalışan xalq olaraq bu istiqamətdə uğurlar əldə etsək də qonşularımızın antitəbliğatı səbəbəindən bəzən uğursuzluqlarla qarşlılaşdığımızı vurğuladı. Lakin xarici müəlliflərin bu mövzuya müraciət etməsinin çox təqdirəlayiq hal olduğuna diqqət çəkdi. Azərbaycan-Litva parlamentlərarası əlaqələr üzrə işçi qrupunun rəhbəri, millət vəkili Kamran Nəbizadə Azərbaycan tarixi, xüsusən Dağlıq Qarabağ ilə əcnəbi müəlliflərin, tarixçilərin, jurnalistlərin maraqlanmasının təqdirə layiq olduğunu diqqətə çatdırdı. Kitabların ərsəyə gəlməsinin Azərbaycan xalqı üçün önəmli məsələ olduğunu, kitabların sistemli, lokanik və ciddi tarixi məqamların olduqca sadə dillə yazıldığını, beləliklə böyük kütləyə xidab edə biləcəyini söylədi. "Millətlərin Qafqazda köçü 20 əsr" əsərinin müəllif , professor, humanitar elmlər doktoru Alqimantas Lekis Azərbaycan xalqının iztirablarının tarixinin litvalılar üçün də çox böyük əhəmiyyət kəsb etdiyini, Azərbaycan xalqının başına gələn müsibətlərin Litva xalqının başına gətirilənlərlə üst-üstə düşdüyünü, tarixlərimizdə oxşarlıqlar olduğunu dedi. Böyük Vətən müharibəsi illərində Azərbaycan partizanları ilə Litvalı partizanların birgə faşizmə qarşı mübarizəsi haqda danışdı. Litvanın keçmişindən bəhs edərək tarixi dostluq bağlarımızı vurğuladı. Müəllif 1990-cı ildə Azərbaycanda 20 yanvar hadisələrinin Litvalılar üçün də tanış olduğunu, bənzər qırğınların Litvada da həyata keçirildiyini xatırlatdı. Litva da Azərbaycan kimi ona qarşı ərazi iddiaları ilə qarşılaşdığını söylədi. “Qara Bağın Faciəsi" əsərinin müəllifi, Litva jurnalisti, www.slaptai.lt internet-portalın sahibi və redaktoru Qintaras Visoskas - Azərbaycan tarixinin, bütünlüklə Litva tarixi ilə bənzərliklərinə diqqət çəkdi. Litvanın Azərbaycandan öyrənməsi gərəkdiyi bir çox xüsusun olduğunu, litvalılar tərəfindən Azərbaycanın daha dərdindən tədqiq edilib öyrənilməsi gərəkdiyini vurğuladı. Litva da Azərbaycan kimi kiçik ölkə olmaqla yanaşı tarixi ədalətsizliklərə məruz qalmasını, Dağlıq Qarabağ problemini xüsusi qeyd etdi. Litvalılar erməni terror təşkilatlarının türk diplomatlarını qətlə yetirilməsi barədə məlumatlı olduqlarını söylədi. Çıxışçı öz növbəsində qısa zamanda Dağlıq Qarabağ münaqişəsinin həll olunacağına ümid etdiyini dedi. Tarix üzrə elmlər doktoru İradə Bağırova kitablar haqda eşitdikdə müəlliflərin mövqeyinin qərəzli ola biləcəyindən əvvəl ciddi yanaşmadığını, lakin tanış olduqda tarixi gerçəklikləri aydınlıqla və sübutlarla oxuculara təqdim olduğundan kitabın əhəmiyyətinin böyük olduğunu dedi. Tarix üzrə fəlsəfə doktoru İlqar Niftəliyev qısa tarixi arayış verərək, Azərbaycan erməni münasibətlərinin istər elmi ədəbiyyatda, istersə də tarixi sferada bu gün düyanın ən çox problemli münasibətlərindən biri hesab edildiyini dedi. Litvalı müəlliflərinin kitabında münaqişə səbəblərinin tarixi faklara dayanmasının, xüsusilə Alqimantas Liyekisin"Millətlərin Qafqazda köçü 20 əsr" kitabının oxucuya bugünkü Qarabağ probleminin tarixi köklərini və erməni saxtakarlığını tarixi həqiqətlərini ortaya qoyduğunu dedi. Tarix üzrə elmlər doktoru Sevinc Əliyeva Litvanın dövlət olaraq Qarabağ probleminin həlli məsələsində həmişə Azərbaycanı dəstəklədiyini, hətta 20 fevral 2017-ci ildə Dağlıq Qarabağda keçirilən dırnaqarası referendumu qəbul etmədiklərini və Azərbaycanın maraqlarını qoruduqlarını dilə gətirdi. Daha sonra çıxış edən Tarix inistitutunun direktor müavini Cəbi Bəhramov həm Azərbaycanın, həm də Litvanın məruz qaldığı tarixi ədalətsizlikdən, münaqişələrin kökündə duran qaranlıq məqamlardan danışdı. Fəlsəfə İnistitutunun şöbə müdiri Rəfiqə Əzimova son 20-25 ilin Azərbaycan tarixindəki ən ağrılı illər olduğunu, bu qəbildən olan kitabların , xüsusuilə xarici müəlliflərin bu mövzulara müraciət etməsinin təkcə elmə deyil, bütün dünyanın sabitliyinə xidmət etdiyini vurğuladı. Azərbaycanda olmaqlarından məmnunluq duyduqlarını dilə gətirən qonaqlar, sonda Mərkəzi Elmi Kitabxananın fəaliyyət imkanları ilə tanış oldular.
mənbə: mek.az