1057    

26/03/2017

1905-ci ildə - Sovet İttifaqı Qəhrəmanı Xıdır Həsən oğlu Mustafayev (1905-1976) Böyük Qarakilsə rayonunun Gözəldərə kəndində anadan olmuşdur. 

1917-ci ildə - Bakıda Müsəlman Milli Şurasının Müvəqqəti İcraiyyə Komitəsi seçilib. Quruma M.Ə.Rəsulzadə, Ə.M.Topçubaşov, M.H.Hacınski, F.X.Xoyski, M.Əsədullayev və digər ziyalılar, milli burjuaziya nümayəndələri daxil idi. Məmməd Həsən Hacinski onun sədri seçilmişdi. 1917-ci ilin Fevral inqilabından sonra, bütün Rusiya imperiyasında olduğu kimi, Azərbaycanda da ikihakimiyyətlik vardı. Bolşeviklər "Bakı Soveti"ni yaratmış, Rusiya Müvəqqəti Hökumətinin yerli hakimiyyət orqanı kimi isə İctimai Təşkilatların İcraiyyə Komitəsi yaradılmışdı. Komitənin aparıcı təşkilatı Müsəlman Milli Şurası idi.

1919-cu ildə - Parlamentin qərarı ilə Azərbaycan Cümhuriyyətinin gömrük idarəsi yenidən quruldu. 

1927-ci ildə - Bakı muğam məktəbinin görkəmli nümayəndələrindən biri, tar ifaçısı Mirzə Fərəc Rza oğlu Rzayev (1847-1927) Bakıda vəfat etmişdir.

1930-cu ildə - Şair, folklorşünas, publisist, Azərbaycan Jurnalistlər Birliyinin üzvü, əmək veteranı, filologiya elmləri doktoru, professor Rüstəm Bayraməli oğlu Rüstəmzadə (1930-2014) Ağstafa rayonunun Poylu qəsəbəsində anadan olmuşdur.

1940-cı ildə -  Əfqanıstanın üç dövlət medalı ilə təltif edilmiş məşhur şair, şərqşünas, tərcüməçi, tarixçi, AMEA Abbasqulu Ağa Bakıxanov adına Tarix İnstitutunun aparıcı elmi işçisi, "Mənbəşünaslıq və informasiya" qrupunun müdiri, “Məcməüş-şüəra” məclisinin sədri, Azərbaycan Yazıçılar Birliyinin üzvü, tarix elmlər doktoru, professor Şahin Fazil oğlu Fərzəliyev Quba şəhərində anadan olmuşdur.  

1941-ci ildə - Almaniyanın Kontinental Neft Cəmiyyətinə Bakıda neftin çıxarılması, emalı və daşınması ilə məşğul olacağı göstərişi verilmişdi. Artıq Azərbaycandakı iri sənaye müəssisələrinə "ali irqdən" rəhbərlər də təyin edilmişdi. Onlar ucuz iş qüvvəsi hesabına maya dəyəri aşağı olacaq məhsullardan alınacaq yüksək gəliri son qəpiyinədək Almaniyaya çatdırmaq tapşırığı almışdılar. Lakin bu arzu reallaşmadı. 

1957-ci ildə - Azərbaycan qadınlarının II qurultayı keçirilmişdi. Qurultay ictimai-siyasi və təsərrüfat həyatında qadınların rolunu daha da canlandırmaq üçün tədbirlər müəyyən etmişdi.

1986-cı ildə - Teatr və kino aktyoru, əməkdar artist Səməndər Mənsim oğlu Rzayev (1945-1986)  Bakı şəhərində vəfat edib. 

1992-ci ildə - Azərbaycan Respublikası ilə Kuba arasında diplomatik münasibətlər qurulmuşdur.

2016-cı ildə - Azərbaycan Silahlı Qüvvələrinin leytenantı Qalib Laim oğlu Zülfüqarlı (1992-2016) Azərbaycan-Ermənistan təmas xəttində ermənilərin atəşkəs rejimini pozması nəticəsində şəhid olub, ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib.