976    

01/04/2017

1854-cü ildə - Yazıçı, dramaturq, publisist Nəcəf bəy Vəzirov (1854-1926) Şuşada anadan olmuşdur. "Müsibəti-Fəxrəddin" dramı ilə Azərbaycan ədəbiyyatında faciə janrının əsasını qoyub.

1916-cı ildə -  Şair, Azərbaycan Yazıçılar Birliyinin üzvü, tərcüməçi, ictimai xadim Ənvər Əliverdi oğlu Əlibəyli (1916-1968) Bakıda dünyaya göz açmışdır. 

1953-cü ildə - Yeni Bakı neftayırma zavodu (YBNZ) fəaliyyətə başladı. Bu zavod sənayenin yeni sahəsinin - neft-kimya sənayesinin inkişafının başlanğıcını qoydu.

1953-cü ildə -  Tanınmış yazıçı və jurnalist, ictimai xadim Aqil Abbas (Aqil Məhəmməd oğlu Abbasov) Ağcabədi rayonunun Kolalı kəndində doğulub. 

1954-cü ildə - Opera müğənnisi, teatr xadimi, "Leyli və Məcnun" operasında Leyli rolunun ilk ifaçısı Əhməd Bəşir oğlu Bədəlbəyli (Ağdamski) (1884-1954) Ağdaşda vəfat edib.  

1981-ci ildə - Şair, dramaturq, tərcüməçi, ictimai xadim, Azərbaycan YB-nın üzvü, Azərbaycanın Xalq şairi, SSRİ Dövlət mükafatı laureatı, Azərbaycanın Əməkdar incəsənət xadimi Rəsul İbrahim oğlu Rzayev (Rəsul Rza) (1910-1981) Bakıda vəfat edib. 

1992-ci ildə - Azərbaycanla Niderland Krallığı arasında diplomatik münasibətlər qurulub. Niderland Azərbaycanın müstəqilliyini 1991-ci il dekabrın 31-də tanımışdı.

1993-cü ildə - Tənqidçi, ədəbiyyatşünas, tərcüməçi, mətnşünas, Azərbaycan Yazıçılar Birliyinin üzvü, filologiya elmləri doktoru, professor, Azərbaycanın Əməkdar elm xadimi, Azərbaycan EA müxbir üzvü, Türk Dil qurumunun (Türkiyə) müxbir üzvü, Səlcuq Universitetinin (Türkiyə) fəxri doktoru Abbas Fəttah oğlu Zamanov (1911-1993) Bakıda vəfat edib, Fəxri Xiyabanda dəfn olunmuşdur.  

1994-cü ildə - Müstəqil Dövlətlər Birliyi Parlamentlərarası Assambleyasının nümayəndə heyəti Ermənistan-Azərbaycan cəbhəsində atəşkəsə nail olmaq təşəbbüsü ilə Bakıya gəlib. Qırğızıstan parlamentinin spikeri M.Şerimkulovun başçılıq etdiyi heyətin Azərbaycan və Ermənistanda apardığı müzakirələrin nəticəsində tərəflərin uzunmüddətli atəşkəs rejimi barədə ilkin razılığı əldə olundu.