1190    

12/01/2017

1897-ci ildə - Dövlət xadimi və ədəbiyyatşünas Ruhulla Axundov Bakının Şüvəlan kəndində anadan olub (1897-1938).

1928-ci ildə - Yanvarın 13-dən 16-dək Bakıda respublika yazıçılarının birinci qurultayı keçirildi. Bu qurultaydan sonra Azərbaycan Proletar Yazıçıları Assosiasiyası (Az.PYA) rəsmi fəaliyyətə başladı. 

1990-cı ildə - Bakının "Azadlıq" meydanındakı izdihamlı mitinqdə Azərbaycan Xalq Cəbhəsi tərəfindən "Milli Müdafiə Şurası"nın yaradıldığı elan olunub. Elə həmin gün sovet xüsusi xidmət orqanlarının gizli əməkdaşlarının təhriki ilə Bakıda yaşayan ermənilərə qarşı talanlar başlanıb. SSRİ KQB-sinin ssenarisi üzrə başlanan bu məqsədli təxribat Bakıya ordu birləşmələrinin yeridilməsini (20 Yanvar qırğını) əsaslandırmalı idi. 

1991-ci ildə - Azərbaycan SSR Ali Soveti Rəyasət Heyətinin fərmanı ilə Şaumyan (kənd) rayonu inzibati-ərazi vahidi kimi ləğv edilib və onun ərazisi Goranboy rayonuna birləşdirilib.

1997-ci ildə - Prezident Heydər Əliyev Fransa prezidenti Jak Şirakın dəvətilə Parisə rəsmi səfərə gedib. Səfər gedişində (13-17 yanvar) ikitərəfli sazişlər, o cümlədən Xəzərin Azərbaycan sektorundakı "Lənkəran-dəniz" və "Talış-dəniz" yataqlarının Fransanın "Elf-Akiten" və "Total" şirkətləri ilə birgə işlənməsinə, əldə olunan xammalın 50%-nin həmin şirkətlərə verilməsinə dair müqavilələr imzalanıb. 

2003-cü ildə - Azərbaycanlı müğənni, xalq artisti Mirzəağa(Mirzə) Əbdülcabbar oğlu Babayev vəfat edib (1912-2003).