962    

03/04/2017

1908-ci ildə - Tanınmış alim, Azərbaycanın ilk akademik-filosofu Heydər Nəcəf oğlu Hüseynov (1908-1950) İrəvanda anadan olub. Azərbaycan fəlsəfi və ədəbi fikir tarixinə həsr olunmuş əsərləri iki dəfə Stalin mükafatına (1949-1950) layiq görülsə də, əleyhdarları onu millətçilikdə ittiham edərək əleyhinə kampaniya başladıblar. 1950-ci ilin yayında intihar edib.

1918-ci ildə - Bakı hadisələri ilə əlaqədar olaraq, müsəlman fraksiyası Zaqafqaziya Seymindən Bakıya müsəlman əhalisini müdafiə etmək üçün qoşun göndərməyi tələb etdi. 1918-ci il aprelin 3-də Zaqafqaziya Seyminin Bakı hadisələrinə həsr olunmuş iclasında Fətəli Xan Xoyski bildirdi ki, "...müsəlman əhalini müdafiə etmək üçün tədbirlər görülməsə, müsəlman nazirlər hökumətin tərkibindən çıxacaqlar". 

1919-cu ildə - Nazirlər Şurasının 1919-cu il 15 yanvar tarixli iclasında Qarabağın general-qubernatoru vəzifəsinə təsdiq edilmiş Xosrov bəy Sultanovun səlahiyyətləri müttəfiq qoşunlar komandanı tərəfindən də tanındı. 

1922-ci ildə - Azərbaycan paleontologiyası məktəbinin banisi, arxeoloq, tarix üzrə elmlər doktoru, professor Məmmədəli Murad oğlu Hüseynov (1922-1994) Qazax rayonunun Mollacəfərli kəndində anadan olmuşdur. 

1944-cü ildə - Tarix üzrə elmlər doktoru, professor, 1999-cu ildən Bakı Dövlət Universitetinin Tarix fakültəsinin "Türk və Qafqaz xalqları" tarixi kafedrasının müdiri Əsməd İmamməmməd qızı Muxtarova Bakı şəhəri Buzovna qəsəbəsində anadan olmuşdur.

1993-cü ildə - Hökumətə tabe olmaqdan imtina edən bir qrup zabit S.Hüseynovun başçılığı ilə hələ aprelin 3-də Gəncədə "Hərbi Birlik" adlı hərbi-siyasi təşkilat yaratmışdı.

2001-ci ildə - ABŞ-ın Florida ştatının Ki Vest şəhərində Azərbaycan-Ermənistan danışıqları öncəsi Dövlət Departamenti Dağlıq Qarabağ münaqişəsinin tarixi ilə bağlı rəsmi bəyanat yayıb. Sənəddə ilk dəfə olaraq Ermənistanın Azərbaycan torpaqlarını işğal etməsi faktı qeyd olunurdu. Ki Vest sammiti ABŞ dövlət katibi Kolin Pauellin təşəbbüsü ilə keçirilirdi.