1001    

09/04/2017

1905-ci ildə - Azərbaycan Yazıçılar Birliyinin üzvü, filologiya elmləri namizədi, şair, ədəbiyyatşünas, tərcüməçi Cəfər Rəmzi (Cəfər Balaəmi oğlu İsmayılzadə)(1905 – 1996) Bakının Mərdəkan kəndində doğulub. Azərbaycan ədəbiyyatında işlədilən ərəb, fars sözləri lüğətinin, "Deyilən söz yadigardır" adlı üçcildlik toplunun tərtibçisidir.

1915-ci ildə - Nuxa (Şəki) ipək sənayesi fəhlələri iri çıxışlar keçirirdi. Aprelin 9-dan 20-dək Nuxanın 16 fabrikinin 1270 fəhləsi tətil edirdi. Onların tələbi əmək haqqının artırılması, iş gününün 1,5 saat qısaldılması idi. İki aydan sonra, iyunun 9-da Nuxada tətillər yenidən başladı. Şəhərin əksər ipəksarıma müəssisələri fəhlələrinin qatıldığı bu tətil iyunun 21-dək davam etdi və dövrün ən iri aksiyası oldu. 

1917-ci ildə - Azərbaycanın Güneyində yaranmış Azərbaycan Demokrat Firqəsinin "Təcəddüd" qəzetinin ilk sayı nəşr edilmişdir.

1920-ci ildə - Aprelin 9-dan 12-dək Şuşa yaxınlığındakı Keşişkənd ətrafında da gərgin döyüşlər baş verdi. Bu döyüşlərdə Azərbaycan hökümətinin silahlı qüvvələri tərəfindən erməni qüvvələrinin Qarabağdakı ən mühüm və çox ciddi möhkəmləndirilmiş bazası məhv edildi. 

1946-cı ildə - Tanınmış aktyor və kinorejissor Ceyhun Cəmil oğlu Mirzəyev (1946-1994) Ağdam rayonunun Abdal Gülablı kəndində anadan olub. 12 yaşında "Ögey ana" filmində oynadığı İsmayıl rolu ilə məşhurlaşıb. "Dəli Kür", "Yenilməz batalyon" , "Qanun naminə", "Yol əhvalatı", " Lətifə" və s. filmlərdə çəkilib. Rejissor işi: "Bəyin oğurlanması" (Vaqif Mustafazadə ilə birgə), "Fəryad" (eyni zamanda baş rolun ifaçısı). "Mozalan" satirik kinojurnalının bədii rəhbəri olub, kinojurnal üçün süjetlər çəkib.

1994-cü ildə - Ermənistan silahlı qüvvələri Goranboy, Ağdam və Ağdərə istiqamətində növbəti hücuma başlayıblar. Qanlı döyüşlərdə Azərbaycan Ordusu çoxlu itkilər versə də, düşmənin hücumunun qarşısı alınıb.