1006    

10/04/2017

1840-cı ildə - Çar I Nikolay "Cənubi Qafqaz diyarının idarəsi üçün təsisatlar haqqında" qanun imzalayıb. Qanuna əsasən, Rusiyaya birləşdirilmiş Azərbaycan bölgələrində hərbi komendantlıq idarəsi ləğv olunub və 1841-ci ildən Ümumrusiya idarə sistemi tətbiq edilib.

1854-cü ildə - Azərbaycan dramaturgiyasının inkişafında, milli teatrın yaradılmasında və inkişafında müstəsna rolu olan görkəmli şəxsiyyətlərdən biri Nəcəf bəy Fətəli bəy oğlu Vəzirov (1854-1926) Azərbaycanın ən gözəl guşələrindən biri olan Şuşa şəhərində doğulmuşdur. 

1957-ci ildə - SSRİ Ali Soveti Rəyasət Heyətinin Fərmanı ilə Böyük Vətən müharibəsi illərində faşist işğalçılarına qarşı mübarizədə göstərdiyi qəhrəmanlığa görə Mehdi Hənifə oğlu Hüseynzadəyə (Mixayloya) ölümündən 13 il sonra Sovet İttifaqı Qəhrəmanı adı verilmişdir. 

1992-ci ildə - Azərbaycan Milli Qəhrəmanı, baş leytenant Pəhlivan Əhliman oğlu Fərzəliyev (1958-1992) Füzuli rayonundakı sərhəd kəndlərinin qorunması uğrunda gedən döyüşlərdə şəhid olmuşdur. 

2002-ci ildə - Azərbaycanla Gürcüstan arasında hərbi əməkdaşlıq barədə protokol imzalanıb. Bakıda iki ölkənin müdafiə nazirlərinin (Səfər Əbiyev-David Tevzadze) tərəfindən imzalanan sənəd regional təhlükəsizlik, terrorizm və separatizmlə birgə mübarizə və ordu quruculuğunda əməkdaşlıq məsələlərini əhətə edirdi.