998    

13/04/2017

1918-ci ildə - Trabzon konfransı nəticəsiz bitdikdən sonra Zaqafqaziya Seymi türk qoşunlarının yürüşünü dayandırmaq üçün Osmanlıya müharibə elan etmək barədə qərar qəbul edib. Azərbaycanlı fraksiyası qərara qoşulmamışdı. Qərar formal xarakter daşıyırdı, çünki Seymin real ordu qüvvəsi yox idi. Buna cavab olaraq türk qoşunları Qars və Ərdəhanın ardınca Batumu tutdu və Gümrü istiqamətində irəliləməyə başladı. Mayın əvvəlində Zaqafqaziya hökuməti Osmanlı ilə yeni danışıqlara (Batumda) razılıq verdi.

1922-ci ildə - Azərbaycan SSR Xalq Komissarları Soveti "1922-ci ildə kənd təsərrüfatı məhsulları üzərinə ərzaq vergisi qoyulması haqqında" dekret verdi.

1929-cu ildə - Görkəmli şair Tofiq Mütəllim oğlu Mütəllibov (1929-1992) Naxçıvan şəhərində anadan olmuşdur.

1944-cü ildə - Azərbaycanda təşkil olunan 223-cü diviziya Avstriyanın paytaxtı Vyananı azad etdi. Vyana istiqamətində hazırlanan hücum əməliyyatlarından bir ay əvvəl 223-cü diviziya Avstriyanın 44 yaşayış məntəqəsi və 4 şəhərini alman işğalçılarından azad etmişdi. Bu döyüşlərdə diviziya düşmənin 4500 əsgər və zabitini məhv etmiş, çoxlu texnika və döyüş sursatını qənimət götürmüşdü. Ali Baş Komandanlığın əmri ilə diviziyaya təşəkkür elan edilmişdi. Vyana yaxınlığında uğurlu əməliyyatlara görə 223-cü diviziya SSRİ Ali Soveti Rəyasət heyətinin Fərmanı ilə Qırmızı Bayraq ordeni ilə təltif olunmuşdu. 223-cü diviziya Mərkəzi və Cənubi Avropanın altı ölkəsinin - Rumıniyanın, Bolqarıstanın, Yuqoslaviyanın, Avstriyanın, Çexoslovakiyanın azad olunmasında fəal iştirak etmişdi. Ümumiyyətlə, müharibə illərində diviziya 10 min kv.km ərazini, 400 yaşayış məntəqəsini, o cümlədən 19 şəhəri düşməndən təmizləmişdi.  

1944-cü ildə - 1942-ci ildə Azərbaycanda yenidən formalaşdırılmış 77-ci diviziya 19-cu tank korpusu ilə birlikdə düşməni Simferopoldan çıxarmış, minlərlə faşisti əsir almışdı. SSRİ Ali Soveti Rəyasət Heyətinin 1944-cü il 24 aprel tarixli Fərmanı ilə 77-ci diviziyaya fəxri "Simferopol" adı verilmişdi.

1969-cu ildə - Azərbaycanın Milli Qəhrəmanı Şövqiyar Cəmil oğlu Abdullayev (1969-1992) Göyçə mahalının Basarkeçər rayonunun Nərimanlı kəndində anadan olmuşdur.

1993-cü ildə - ABŞ Dövlət Departamenti ilk dəfə olaraq Dağlıq Qarabağ münaqişəsi ilə bağlı Vaşinqtonun rəsmi mövqeyini açıqlayıb. Bəyanatda ABŞ-ın Ermənistan-Azərbaycan müharibəsinin dayandırılması və ATƏT-in Minsk konfransı çərçivəsində danışıqların başlanmasına nail olmaq əzmi vurğulanırdı.

1994-cü ildə - Erməni terrorizmi Azərbaycana qarşı daha bir aksiyaya "imza atıb". Moskva-Bakı sərnişin qatarının Dağıstan ərazisində partladılması nəticəsində 6 nəfər həlak olub. 

1998-ci ildə - Azərbaycan Respublikasının prezidenti Heydər Əliyev "Azərbaycan Respublikası dövlət atributlarının təbliği işini gücləndirmək haqqında" fərman verdi.

1999-cu ildə - Azərbaycan Respublikasının prezidenti Heydər Əliyev Türkiyənin ən nüfuzlu mükafatı - “Atatürk Sülh Mükafatı”na layiq görülmüşdür.

2004-cü ildə - Prezident İlham Əliyev Türkiyəyə ilk rəsmi səfərə gedib. Səfər gedişində Azərbaycanla Türkiyə arasında uzunmüddətli iqtisadi əməkdaşlıq sazişi" və digər sənədlər imzalanıb, Azərbaycan prezidentinə Bilkənd Universitetinin (Ankara) "Fəxri doktoru" adı təqdim edilib.