1005    

20/05/2017

1639-cu ildə - Səfəvi hökmdarı Şah Səfı tərəfındən Qəsri-Şirin sülh müqaviləsinin mətni təsdiq edilərək Məhəmmədqulu xan vasitəsilə İstanbula göndərildi. IV Sultan Murad da müqaviləni təsdiq etdi. Beləliklə, 1639-cu il Səfəvi-Osmanlı sülhü XVIII əsrin ikinci rübünə kimi hər iki dövlət arasındakı münasibətləri nizama saldı, Azərbaycanda qismən sakitliyi bərqərar etdi, on illərlə boşalmış şəhərlərin bərpası, iqtisadiyyatın inkişafı üçün şərait yaratdı.

1899-cu ildə - Meşələrin qırılması üstündə Nuxa qəzasının Sabatlı kəndində ciddi həyəcanlar baş verdi. Qətiyyən meşələri olmayan sabatlılar ağac materiallarını ya satın alır, ya da onu gizlicə Zaqatala dairəsinin qonşuluğunda yerləşən xəzinə meşələrindən qırırdılar. Mayın 20-nə keçən gecə qəza rəisi başda olmaqla 500 nəfərə qədər silahlı kazak və zemstvo mühafizəçisi Sabatlıya gəldi. Kəndlilərə divan tutulması başladı. kəndli zorla bir yerə toplanıldı və meşədə olmuş süvarilər baş verən həyəcanın təşəbbüskarlarını tanıdılar. 18 nəfər həbs edildi və Zaqatala həbsxanasına atıldı.

1907-ci ildə - Milli səhnəmizdə çıxış edən ilk azərbaycanlı qadın müğənnilərdən biri, xalq artisti Həqiqət Əli qızı Rzayeva (1907-1969) anadan olub. Uzun illər Opera və Balet Teatrının solisti olub, muğam və xalq mahnılarımızın mahir ifaçısı kimi tanınıb.

1908-ci ildə - Şəkidə ilk bank idarəsi - Qarşılıqlı Kredit Cəmiyyəti fəaliyyətə başladı. 

1919-cu ildə - Neft Sənayeçiləri İttifaqı Şurasının tələbi və ingilis komandanlığı nümayəndələrinin iştirakı ilə Şuranın iclası oldu. Orada neft kəmərinin ilkin funksiyasına, yəni ağ neftin nəql edilməsində istifadə olunmasına qaytarılması məsələsi xüsusi olaraq müzakirəyə qoyuldu. Bu, kifayət qədər də xam neft olmasını tələb edən çox mürəkkəb bir texniki proses idi. 1919-cu il mayın ortalarında Azərbaycanın anbarlarında 15 milyon pud ağ neft, ağ neft emal etmək üçün isə 70 milyon pud xam neft ehtiyatı var idi". Bu kəmərlə ağ neft ötürülməsi işlərinin bərpa olunması üçün real imkanların mövcudluğu demək idi. Lakin Azərbaycan Xalq Cümhuriyyətinin mövcudluğu müddətində bu layihəni axıradək başa çatdırmaq mümkün olmadı. Hətta əksinə, bütün neft sənayesində tənəzzül baş vermişdi. Əgər 1913-cu il göstəricilərini 100% qəbul etsək, onda 192 ilin rəqəmləri müharibədən əvvəlki rəqəmlərlə müqayisədə belə, quyu qazılması 3,49%, neft hasilatı 39,18%, neft emalı - 35,54%. 

1920-ci ildə - Rusiya Kommunist (b)Partiyasının MK-nın qəbul etdiyi qərarda deyilirdi: G.Çiçerinə tapşırılsın ki, qarşılıqlı münasibətləri müəyyənləşdirmək üçün danışıqlara başlamaq təklifi ilə Azərbaycan sovet hökumətinə müraciət etsin. Cavab alındıqdan sonra Krestinski, Çiçerin yoldaşlardan, AXTŞ-nin və hərbi idarənin nümayəndələrindən ibarət komissiya təyin olunsun. Xalq Milli İşlər Komissarlığının nümayəndəsi yol. Kaminskiyə komissiyada iştirak etməyə icazə verilsin.

1992-ci ildə - Ermənistan silahlı qüvvələri Şuşa və Laçının işğalından sonra Azərbaycanın bütün sərhədboyu yaşayış məntəqələrinə hücumları genişləndiriblər. Zəngilan rayonunun Qarançı kəndi yaxınlığında "UAZ-469" markalı avtomaşının ermənilər tərəfindən silahlı basqına məruz qalması nəticəsində 2 azərbaycanlı həlak olub, 2 nəfər yaralanıb.

2004-cü ildə - Azərbaycan Respublikası və Malavi dövləti arasında diplomatik münasibətlər qurulub.