1129    

31/05/2017

1888-ci ildə - XIX əsr Azərbaycan şairi və maarifçisi Seyid Əzim Şirvani (1835-1888) Şamaxıda vəfat etmişdir. 

1923-cü ildə - Azərbaycan Kommunist (bolşevik) Partiya Mərkəzi Komitəsinin Rəyasət Heyəti Qarabağın muxtariyyəti barədə dekret verməyi qərara aldı.  

1928-ci ildə -  2 dəfə SSRİ və 1 dəfə Azərbaycan SSR Dövlət Mükafatları laureatı olmuş,  “Azərbaycanın Əməkdar elm və texnika xadimi” fəxri adına, “Şərəf Nişanı” ordeninə layiq görülmüş Tofiq Məmməd oğlu Əliyev (1928-1993) Gəncə şəhərində anadan olmuşdur.

1938-ci il mayın 5-dən iyunun 1-nə qədər - Zaqafqaziya hərbi dairəsi ərazi prinsipi nəzərə alınmadan yenidən quruldu. 

1950-ci il iyun ayının 1-dən etibarən - Uşaqların  Beynəlxalq  Müdafiəsi Günü (ing. International Children’s Day) BMT Baş Assambleyasının qərarı ilə qeyd olunmağa başlanmışdır. 

1972-ci ildə - Akademik, Sosialist Əməyi Qəhrəmanı (1948), Beş Lenin ordeni, Şərəf Nişanı ordeni, müxtəlif medallarla təltif edilmiş, Stalin mükafatı laureatı Rüstəm Hacı Əli oğlu İsmayılov (1909-1972) Bakı şəhərində vəfat etmişdir.

1992-ci ildə - Roma şəhərində ATƏM-in (1995-ci ildən ATƏT) himayəsi altında Qarabağ nizamlanması üzrə ilk danışıqlar başlanıb. Müzakirələrdə Azərbaycan və Ermənistanla yanaşı, Minsk qrupunda təmsil olunan ölkələrin (Rusiya, ABŞ, İtaliya, Almaniya, Çexoslovakiya, İsveç, Fransa, Türkiyə, Belarus) nümayəndələri iştirak edirdilər. Bu format barədə razılıq həmin ilin martında ATƏM rəhbərliyinin Helsinki toplantısında əldə olunmuşdu.

1992-ci ildə - Azərbaycanla Lüksemburq (ölkəmizin müstə qilliyini 1991-ci il dekabrın 31-də tanıyıb) arasında diplomatik münasibətlər qurulub.

1997-ci ildə - ATƏT-in Minsk qrupunun həmsədrləri (Rusiya, ABŞ, Fransa) Qarabağ münaqişəsinin həlli ilə bağlı Azərbaycan və Ermənistana kompleks plan təklif etdilər. Bu, beynəlxalq vasitəçilərin Qarabağ nizamlanmasına dair tərəflərə rəsmən təqdim etdikləri ilk plan idi. Təklifin başlıca ideyası iki əsas məsələ ilə bağlı paralel danışıqların aparılmasından ibarət idi: işğal olunmuş ərazilərdən silahlı qüvvələrin çıxarılması və Dağlıq Qarabağın statusunun müəyyənləşdirilməsi. Azərbaycan "paket həll" planını bəzi istisnalarla qəbul etdi, Ermənistan isə ondan imtina etdi.