1058    

05/06/2017

1827-ci ildə - Cavanbulaq deyilən yerdə döyüş baş verdi. Qüvvələr həddindən artıq qeyri-bərabər idi. Lakin rus qoşunu üstün gəldi və Qacar qoşununun bu məğlubiyyəti iyulun 7-də təslim olan Abbasabad qalasının taleyini həll etmiş oldu.  

1863-cü ildə - Zaqatalada Hacı Murtuzun başçılığı ilə çar Rusiyasının üsul-idarəsinə qarşı üsyan başlanıb. Üsyan böyük qəddarlıqla yatırılıb.

1908-ci ildə - Görkəmli şair Mikayıl Müşviq (1908-1938) anadan olub. Yeniyetmə vaxtlarından şeir yazıb və artıq 18-20 yaşlarında populyarlıq qazanmağa tanınmağa başlayıb. On il ərzində 10 şer və poemalar toplusu nəşr etdirib. 1937-ci ildə pantürkizm və millətçilik ittihamı ilə həbs olunub, 1938-ci ilin martında güllələnib.

1919-cu ildə - Təşviş doğuran bu səbəbləri nəzərə alan Azərbaycan parlamenti iyunun 5-də bir daha Denikin təhlükəsi ilə bağlı məsələnin müzakirəsinə qayıtmağa və hökumətdən ölkənin müdafiəsinə dair daha əməli və qəti tədbirlər görməyi tələb etməyə məcbur oldu. Deputatlar qarşısında çıxış edən baş nazir N.Yusifbəyli hökumətin gördüyü bütün tədbirlər haqqında onlara məlumat verdi. Hökuməti qətiyyətsizlikdə günahlandıran və ondan daha sərt tədbirlərə əl atmağı tələb edən sosialistlərdən başqa, parlamentin bütün fraksiyaları hökumətin bu istiqamətdə fəaliyyətini təqdirəlayiq hesab etdi.

1939-cu ildə - Xalq şairi, dramaturq, ictimai xadim Vaqif Səmədoğlu anadan olub. Lirik-fəlsəfi poeziyası ilə müasir Azərbaycan ədəbiyyatında özünəməxsus yer tutur, aktual mövzulu pyeslərin müəllifidir. 2000, 2005-ci illərdə Milli Məclisin deputatı seçilib.

1992-ci ildə - Azərbaycan Norveç və Bolqarıstanla (hər ikisi ölkəmizin müstəqilliyini 1992-ci ilin yanvarında tanıyıb) diplomatik münasibətlər qurub.

1995-ci ildə - Prezident Heydər Əliyevin sədrliyi ilə Azərbaycan Respublikası Konstitusiyası layihəsini hazırlayan komissiyanın ilk iclası keçirilib. Bir neçə aylıq gərgin müzakirələrdən sonra Konstitusiya layihəsi geniş ictimaiyyətin müzakirəsinə verildi.

1998-ci ildə - Prezident Heydər Əliyev Qara dəniz İqtisadi Əməkdaşlıq Təşkilatının Yaltada keçirilən sammitində qurumun Nizamnaməsini, digər institusional sənədləri imzalayıb. QİƏT rəsmən beynəlxalq təşkilata çevrilib.