1174    

20/06/2017

1503-cü ildə - Şah İsmayılın başçılıq etdiyi Səfəvi qoşunları Həmədan yaxınlığındakı Almaqulağı adlı yerdə baş verən döyüşdə Sultan Muradın ordusunu məğlub etdi. 1500-cü ildə Ağqoyunlu dövləti ikiyə parçalandıqdan sonra onun bir qoluna (Qızılüzən çayından şimala doğru Təbriz mərkəz olmaqla Diyarərbəkir, Azərbaycan, istisna hal kimi də Lahican əmirliyinə) Əlvənd Mirzə, ikinci qoluna (Qızılüzən çayından cənuba doğru Şiraz mərkəz olmaqla Ərəb İraqı və Farsa) isə Sultan Murad başçılıq edirdi. Səfəvi qoşunları 1501-ci ildə Şərur döyüşündə Əlvənd Mirzəni məğlub etdi. Ağqoyunlunun ikinci qolunun məğlub edilməsi ilə Ağqoyunlu dövlətinin mövcudluğuna tamamilə son qoyuldu.  

1794-cü ildə - Tarixçi, şair, maarifçi, dilçi, tərcüməçi, coğrafiyaçı, astronom, filosof Abbasqulu ağa Bakıxanov (1794-1847) Bakı qəzasının Xilə (indiki Əmircan) kəndində anadan olub. 1820-30-cu illərdə çar Rusiyası ordusunda qulluq edib, Türkmənçay müqaviləsinin (1828) imzalanmasında tərcüməçi kimi iştirak edib. "Gülüstani-İrəm" əsəri ilə Azərbaycan tarixşünaslığının əsasını qoyub. "Qüdsi" təxəllüsü ilə şeirlər yazıb.

1830-cu ildə - Zaqatala bölgəsində də çar üsul-idarəsinə qarşı üsyan alovlanıb. Üsyan dörd ay davam etdi. Azərbaycanda baş qaldıran üsyanlara cavab olaraq çar hökuməti bölgələrdə hərbi komendantlıq idarə üsulu yaratmağa başladı.

1915-ci ildə - İyunun 9-da Nuxada başlanan və şəhərin əksər ipəksarıma müəssisələri fəhlələrinin qatıldığı tətil iyunun 21-dək davam etdi və dövrün ən iri aksiyası oldu. 

1933-cü ildə - Azərbaycan Respublikasının Xalq artisti, Prezident təqaüdçüsü Tələt Məmmədağa oğlu Qasımov Bakı şəhərində anadan olmuşdur. 

1933-cü ildə - Tanınmış alim və ictimai xadim, xidmətlərinə görə “Qırmızı əmək bayrağı” ordeni, “Əməkdə rəşadət” medalı, elm və texnika sahəsində Azərbaycan Respublikasının Dövlət Mükafatına layiq görülmüş, K.E. Sialkovski, S.P. Korolyov və Y.A. Qaqarin adına fəxri medallarla təltif edilmiş Tofiq Kazım oğlu İsmayılov (1933-1991) Bakı şəhərində anadan olub. 1991-ci ildə Azərbaycanın dövlət katibi təyin edilib. Həmin il noyabrın 20-də Dağlıq Qarabağda (Qarakənd) ermənilər tərəfindən vurulan vertolyotda həlak olub.

1991-ci ildə - 2 dəfə Sovet İttifaqı Qəhrəmanı olmuş azərbaycanlı general-mayor Həzi Aslanova (1910-1945) ikinci dəfə Sovet İttifaqı Qəhrəmanı adı verildi. 

2001-ci ildə - Prezident Heydər Əliyevin fərmanı ilə Azərbaycanda Dini Qurumlarla İş üzrə Dövlət Komitəsi yaradılıb.