1011    

14/07/2017

1914-cü ildə - İki dəfə SSRİ Ali Sovetinin Fəxri Fərmanına, eləcə də “Əməkdar ali məktəb işçisi” fəxri adına layiq görülmüş, “Qafqazın müdafiəsi uğrunda” və “Əmək fəaliyyətinə görə” medalları ilə təltif olunan pedaqoq, filologiya elmləri namizədi Kövsər Məmməd qızı Tarverdiyeva İrəvanda, bağban ailəsində anadan olmuşdur.

1917-ci ildə - Bakı müsəlman ictimai və siyasi təşkilatlarında cəmiyyətin müxtəlif təbəqələrini birləşdirmək məqsədilə onun icraiyyə Komitəsini yenidən təşkil etmək qərara alındı. 33 nəfər üzvdən ibarət bu Komitə ilə əlaqədar müxtəlif rəylər söylənir və qeyd edilirdi ki, "Komitədə 6 yer kəndli və fəhlələrin nümayəndələri üçün saxlanılır". Hümmətçilər Komitənin tərkibinə daxil edilmədilər. İyulun 14-də 26 nəfərin iştirakı ilə keçən iclasda Əlimərdan bəy Topçubaşov Komitənin sədri, M.H.Hacınski və M.Ə.Rəsulzadə onun müavinləri, M.H.Vəzirov isə katib seçildilər.

1918-ci ildə - Qafqaz İslam ordusu Karrar stansiyasını ağır döyüşlə bolşevik-daşnak birləşmələrindən azad etdi.

1921-ci ildə - Xalq Komissarları Soveti xüsusi qərarında savadsızlığın ləğv edilməsini ilin əvvəlində təşkil olunmuş Mərkəzi baş siyasi-maarif idarəsinin mühüm və təxirəsalınınaz vəzifəsi elan etdi.

1923-cü ildə - Azərbaycan Kommunist (bolşeviki) Parityasının MK-nın Rəyasət Heyəti Dağlıq Qarabağ muxtariyyəti Konstitusiyasının (Əsasnaməsinin) hazırlanmasına dair komissiyanın fəaliyyətini müzakirə etdi. Komissiya yeni üzvlər hesabına genişləndirildi və Ə. H. Qarayevin əvəzinə komissiyanın sədrliyi D.X.Bünyadzadəyə həvalə olundu.

1930-cu ildə - Bu ildən etibarən hər il iyulun 14-ü Ümumdünya Donor Günü kimi qeyd olunur.

1938-ci ildə - Birinci çağırış Azərbaycan SSR Ali Sovetinin 1-ci sessiyası açıldı. Sessiyada Azərbaycan SSR Ali Sovetinin Rəyasət Heyəti, Rəyasət Heyətinin sədri isə M.B.Qasımov seçildi. Sessiyada Respublika hökuməti H.Rəhmanovun başçılığı altında Xalq Komissarları Şurası yaradıldı.

1956-cı ildə - SSRİ Ali Soveti dövlət təqaüdçüləri haqqında Qanun qəbul etdi. Qanuna əsasən qocalığa görə təqaüdlərin həcmi iki dəfədən çox, əlilliyə görə təqribən 50 faiz artırılırdı. Ailə başçısını itirmiş ailələrin müavinətlərinə 60 faiz əlavələr edilirdi.

1969-cu ildə - Azərbaycan KP Mərkəzi Komitəsinin Plenumunda Heydər Əlirza oğlu Əliyev Azərbaycan KP MK-nın birinci katibi seçildi.

1997-ci ildə - Şair, tərcüməçi, publisist İsa İsmayılzadə (1941-1997) Bakı şəhərində vəfat etmişdir.