1142    

21/01/2017

1892-ci ildə - Azərbaycan təsviri sənətinin görkəmli nümayəndəsi, tanınmış boyakar və qrafik Bəhruz Şirəli bəy oğlu Kəngərli (1892-1922) Naxçı-vanda anadan olmuşdur.

1910-cu ildə - Tank qoşunları qvardiya general-mayoru, iki dəfə Sovet İttifaqı Qəhrəmanı olmuş Həzi Əhəd oğlu Aslanov (1910-1945) Lən-kəran şəhərində anadan olub.

1941-ci ildə - Əməkdar incəsənət xadimi, tarix elmləri nami-zədi Elşad Heybət oğlu Quliyev (1941-2008) Cəlilabadda anadan olmuşdur. O, Beynəlxalq Ekoenergetika Akademiyasının elmlər doktoru və professoru, Beynəlxalq Televiziya Akademiyasının həqiqi üzvü idi. Elşad Quliyev 1990-ci il 20 yanvar hadisələrindən sonra Azərbay-can Televiziyasının sədri vəzifəsindən (1983-1990) istefa vermiş-dir. 

1944-cü ildə - Tanınmış teatr və kino aktyoru, Azərbaycanın xalq artisti Hacı Məcid oğlu İsmayılov Bakıda anadan olub. 

1950-ci ildə - Azərbaycanın milli qəhrəmanı Fəxrəddin İbrahim oğlu Şahbazov (1950-1991) Bakıda anadan olub. 

1990-cı ildə - Bakıda "Qanlı Yanvar" təcavüzünün qurbanları dəfn edilib. 20 Yanvar şəhidləri Bakıda o vaxt S.M.Kirovun adını daşıyan Dağüstü mədəniyyət və istirahət parkında torpağa tapşırılıb. Həmin vaxtdan park "Şəhidlər Xiyabanı" adlanmağa başlandı. Həmin gün Azərbaycan SSR Ali Sovetinin fövqəladə sessiyası keçirilib. Respublikanın əksər rəhbər şəxslərinin (Azərbaycan KP MR katibi Həsən Həsənov istisna olmaqla) iştirak etmədiyi iclasda 20 Yanvar hadisələri ilə bağlı dünya xalqlarına və parlamentlərinə müraciət qəbul edilib. Sessiyanın qəbul etdiyi qərarda Azərbaycanın SSRİ-də qalıb-qalmaması məsələsinin ümumxalq referendumuna çıxarılması barədə maddə də vardı. Lakin çox kecmədi ki, Azərbaycanın yeni rəhbərliyi (Ayaz Mütəllibov) həmin maddəni unutdu.

1992-ci ildə - Filippin Azərbaycanın dövlət müstəqilliyini tanıyıb. İki ölkə arasında diplomatik əlaqələr həmin il martın 27-də qurulub.

1993-cü ildə - Naxçıvanda Türkiyə Cümhuriyyətinin baş konsulluğu açılıb. Bu, muxtar respublikada fəaliyyətə başlayan ilk xarici ölkə diplomatik nümayəndəliyi idi.   

1998-ci ildə - Azərbaycan prezidenti Heydər Əliyev ölkədə ölüm hökmünün ləğv olunması haqqında təşəbbüs irəli sürüb.