1152
22/01/2017 1919-cu ildə - Bakıda müttəfiq dövlətlərin polis komissarı təyin edilmiş Polkovnik Kokkerelin rəhbərliyi altında ingilislər Azər-baycan Cümhuriyyətinin daxili işlərinə qarışır, onları nəzarətdə saxlamağa can atırdılar. Hətta, yanvarın 23-də polkovnik Kokkerel Azərbaycan daxili işlər nazirindən tələb etmişdi ki, polis işçilərinin təyin olunmasını şəxsən onunla razılaşdırsın və "polis rütbəli heyətdə və ya təyinatlardakı hər cür dəyişikliklər onun dəftərxana-sından keçsin". Daxili işlər naziri Azərbaycan Cümhuriyyəti Nazirlər Şurası sədrinə aşağıdakı məzmunda məlumat vermişdi: "Müttəfiq dövlətlərin polis komissarı bütün Bakı rayonu polisinin rəhbəri təyin edilmiş və polisin bütün üzvləri ona tabe edilmişdir. Bu komissarın sərəncam və əmrləri tez-tez Azərbaycan Xalq Cümhuriyyəti hakimiyyət dairələrinin sərəncam və əmrlərini ləğv etsə də, polis məmurları tərəfindən qeyd-şərtsiz icra olunur. İşlərə müdaxilə o həddə çatıb ki, hətta polis komissarı tələb edir ki, polis heyətindəki dəyişikliklər və təyinatlar yalnız onun dəftərxanası vasitəsilə aparılsın".
1920-cu ildə - RSFSR-in xarici işlər naziri Çiçerin Azərbaycan Cümhuriyyəti hökumətinə ikinci notanı göndərdi. Bu notada Azərbaycan Cümhuriyyətinin Rusiyanın daxili işlərinə qarışmamaq mövqeyi Deniklə mübarizədən yayınmaq kimi dəyərləndirildi. F.Xoyski cavab notasında qeyd edirdi ki, Sovet Rusiyası ilə Azərbaycan Cümhuriyyəti arasındakı bütün məsələlərə yalnız Rusiyanın Azərbaycan Cümhuriyyətini rəsmən tanımasından sonra baxıla bilər.
1945-ci ildə - SSRİ Xalq Komissarları Sovetinin qərarı ilə Azərbaycan SSR Elmlər Akademiyasının təsisi barədə qərar qəbul edildi. SSSR-i XKS-nin qərarı ilə Azərbaycan Elmlər Akademiyası filalı yaradıldı. Bu müddət ərzində akademiyanın 4 şöbəsi, 16 elmi-tədqiqat institutu, elmi-tədqiqat şöbəsi, 3 muzeyi vardı. Quba, Xankəndi, Gəncə və Naxçıvanda mərkəzi elmi kitabxana və elmi bazası vardı. Həmin il Azərbaycan EA-na 15 həqiqi üzvü seçildi.
1969-cu ildə - Azərbaycanın milli qəhrəmanı, Qarabağ müharibəsi şəhidi Hikmət Oqtay oğlu Muradov (1969-1992) Bakıda anadan olub.
1990-cı ildə - Yanvarın 19-u gecə yaralanandan sonra Salyan kazarmasına aparılan 20 yanvar şəhidi Müzəffər Qəzənfər oğlu Həsənov Semaşko adına xəstəxanaya gətirilib və yanvar ayının 29-da dünyasını dəyişib. Halbuki yanvarın 22-si, şəhidlərin dəfni günü Müzəffər Həsənovun oğlanları Semaşko adına xəstəxanada tanınmaz hala düşmüş başqa bir meyidi öz ataları bilib Şəhidlər xiyabanında dəfn etmişdilər.
1990-cı ildə - Ölümündən sonra 20 Yanvar Şəhidi fəxri adı verilmiş İlkin Zülqədər oğlu Cavanşirov Semaşko adına təcili yardım xəstəxanasında vəfat etmişdir.
1990-cı ildə - Baş verən Qanlı Yanvar hadisələri Şamil Talıb oğlu Cəfərov çox sarsıtmış və şəhidlərin dəfn mərasimində iştirak edərək evinə qayıdandan sonra ürəyi dözməyib geniş infarkt keçirərək vəfat etmişdir. Şamil Cəfərov Azərbaycan SSR-nın əməkdar mühəndisi, neftçi, konstruktor, neft quyularının ayrılıq istismarının təsisçisi və banisi, neft sənayesində 45-dən artıq ixtiranın müəllif və həmmüəllifi, "Soyuzneftemash" Ümumittifaq Sənaye Birliyinın baş direktoru, “Neftmaş” Xüsusi Konstruktor Bürosunun yaradıcısı və daimi rəhbəri idi.
1990-cı ildə - Bakıda 1990-ci ildə törədilən qanlı yanvar hadisələri həmin günlə yekunlaşmadı. Şəmsəddin Əbilhəsən oğlu Orucov yanvarın 23-də gündüz saat 14:20 radələrində hərbçilər tərəfindən evinin pəncərəsindən atılan güllə nəticəsində Bakıda həlak olmuşdur.
1992-ci ildə - Çexiya Azərbaycanın müstəqilliyini tanıdı. İki ölkə arasından diplomatik əlaqələr 1993-cü il yanvarın 29-da qurulub.
1994-cü ildə - Qarabağ müharibəsi iştirakçısı, şəhid, "Vətən uğrunda" medalı ilə təltif edilmiş Çingiz Binnət oğlu Cəfərov Horadiz qəsəbəsi istiqamətində gedən ağır döyüşlərdə həlak olmuşdur (1960-1994).
1995-ci ildə - Azərbaycanın Əməkdar rəssamı, görkəmli heykəltaraş Elmira Mehralı qızı Hüseynova (1933-1995) Bakı şəhərində vəfat etmişdir.
2014-cü ildə - Məşhur Azərbaycan bəstəkarı, əməkdar incəsənət xadimi, professor Elmira Mirzərza qızı Nəzirova (1928-2014) İsraildə vəfat edib.
2014-cü ildə - Döyüş tapşırığını yerinə yetirərkən Kapitan Elnur Cəfər oğlu Cəfərov (1978-2014) Tərtər rayonunun Çiləbürt kəndi yaxınlığındakı mövqelərindən düşmən tərəfindən açılan snayper atəşindən şəhid olub.
2014-cü ildə - Azərbaycan teatr rejissoru, aktyor, Mingəçevir Dövlət Dram Teatrının baş rejissoru İldırım Bəhram oğlu Cabbarov (1935-2014) Mingəçevirdə vəfat edib.
2016-cı ildə - Xurşidbanu Natəvanın nəticəsi, Azərbaycanlı Musiqişünas, Bakı Musiqi Akademiyasının professoru, Azərbaycan Respublikası MTN-nin ixtisaslaşdırılmış orta musiqi məktəbinin direktoru, AR-nın əməkdar müəllimi Nahidə-Leyla Səid qızı Məmmədova (1934-2016) Bakıda vəfat edib.