1116    

16/08/2017

1064-cü ildə - Səlcuqlar tərəfindən Qars vilayətində yerləşən Şəddadilərin mərkəzi - Ani şəhəri ələ keçirildi. Səlcuqlu sultanı Şəddadi əmiri I Şavuru bu şəhərdə öz canişini təyin etdi. Şəhərin özü isə Bizans imperiyasına qarşı qəti hücum üçün hazırlıq bazasına çevrildi.

1905-ci ildə - Şuşada erməni-daşnak quldur dəstələrinin türk-müsəlman əhaliyə qarşı hücumlarının qarşısı alınıb. Bakıdakı türk-müsəlman qırğınlarından sonra ermənilərin eyni ssenarini Qarabağda həyata keçirmək cəhdləri baş tutmayıb, erməni dəstələri Şuşa yaxınlığında ağır məğlubiyyətə uğrayıblar. Bundan az öncə daşnakların silahlı dəstələri Qacar kəndindəki (Füzuli rayonu) döyüşdə məğlub edilmişdi.

1906-cı ildə - Ümumrusiya müsəlmanlarının III qurultayı (Nijni-Novqorod) işə başlayıb. Avqustun 20-dək sürən qurultayda Ümumrusiya Müsəlmanları İttifaqının ("İttifaqi-Müslimin") proqram sənədləri, rəhbər strukturları təsdiqlənib. Azərbaycanlı Əlimərdan bəy Topçubaşov Ümumrusiya Müsəlmanları İttifaqının rəhbəri seçilib.

1925-ci ildə - Müasir Azərbaycan ədəbiyyatının görkəmli nümayəndəsi, xalq şairi, dramaturq, ictimai xadim Bəxtiyar Mahmud oğlu Vahabzadə (1925-2009) Şəkidə anadan olub. Yaradıcılığı boyunca 20-dək poema, 10 dram əsəri yazıb. Azərbaycan Ali Sovetinin (1980-1995), Milli Məclisin (1995-2000) deputatı olub, "Şöhrət" və "İstiqlal" ordenləri ilə təltif olunub. O, 1945-ci ildən Azərbaycan Yazıçılar Birliyinin üzvü, Azərbaycanın xalq şairi (1984), filologiya elmləri doktoru (1964), professor, Azərbaycan MEA-nın həqiqi üzvü (2000), Azərbaycanın Əməkdar incəsənət xadimi (1974), Azərbaycan Dövlət mükafatı laureatı (1976), SSRİ Dövlət mükafatı laureatı (1984), M.F.Axundov adına ədəbi mükafatın laureatı (1988), Azərbaycan Respublikası Ali Sovetinin deputatı (1990), millət vəkili (1995, 2000), “İstiqlal” ordeni ilə təltif olunmuşdur (1995). 

1925-ci ildə - Görkəmli ictimai-siyasi xadim, yazıçı, filologiya elmləri doktoru Şıxəli Qurban oğlu Qurbanov (1925-1967) Bakıda qulluqçu ailəsində doğulmuşdur. Azərbaycan Musiqili Komediya Teatrına, Bakı küçələrindən birinə Şıxəli Qurbanovun adı verilmişdir.

1953-cü ildə - Azərbaycanın Milli Qəhrəmanı Aslan Qabil oğlu Atakişiyev (1953-1992) Qubadlı rayonunun Muradxanlı kəndində anadan olmuşdur.

1956-cı ildə - Azərbaycanın Milli Qəhrəmanı İsgəndər Söhrab oğlu Aznaurov (1956-1992) Özbəkistаn Rеspublikаsı Buхаrа vilаyəti Qаlа-Аsiyа kənd sоvеtliyinin 22 sаylı sоvхоzundа dünyаyа gəlmişdir.

1993-cü ildə - Ermənistan silahlı qüvvələrinin Cəbrayıl-Füzuli istiqamətində irimiqyaslı hücumu Cəbrayılın Quşçular, Qışlaq, Doşulu, Əfəndilər, Qaracallı, Balyand, Süleymanlı kəndlərinin işğalı ilə nəticələnib. Füzuli istiqamətində Aşağı Veysəlli, Zərgər,İşıqlı və s. kəndlər ermənilərin əlinə keçib. Erməni hərbi birləşmələri hər iki rayon mərkəzinin bir neçə kilometrliyində qərar tutublar. 

2000-ci ildə - Prezident Heydər Əliyev Azərbaycan Xalq Cümhuriyyətinin ilk sərhəd mühafizəsinin təsis edildiyi tarixin - 1919-cu il avqustun 18-nin Azərbaycan Respublikasının Sərhəd Qoşunları əməkdaşlarının peşə bayramı günü kimi elan edilməsi haqqında Sərəncam imzaladı.

2002-ci ildə - AMEA-nın müxbir üzvü, tarix üzrə elmlər doktoru, professor Mahmud Əliabbas oğlu İsmayılov (1920-2002) vəfat etmişdir. AMEA-nın müxbir üzvü M.Ə.İsmayılov «1941-1945-ci illərdə Almaniya üzərində qələbəyə görə», «Qafqazın müdafiəsinə görə» medalları və fəxri fərmanlarla təltif olunmuşdur.