986    

24/09/2017

1857-ci ildə - Azərbaycanı Avropada tanıdan ilk kimyaçı alimimiz Mövsüm bəy Məhəmməd bəy oğlu Xanlarov (1857-1921) Bakıda anadan olmuşdur.

1936-cı ildə - Aktrisa, Azərbaycan SSR əməkdar artisti, Azərbaycanın xalq artisti, Cəfər Cabbarlı, "Şöhrət" ordeni mükafatları laureatı Əminə Yusifqızı (əslində Yusifqardaş qızı) Bakıda anadan olmuşdur.

1980-ci ildə - Professor, Sovet Kosmik Tərabətinə öz töhfəsini vermiş ilk Azərbaycanlı, SSRİ idman ustası Nəcməddin Ələddin oğlu Hacıyev (1926-1980) Bərdə-Yevlax yolunda avtomobil qəzasında dünyasını dəyişdi. 

1991-ci ildə - Azərbaycanın Milli Qəhrəmanı, Qarabağ müharibəsi iştirakçısı Yusif Əliyusif oğlu Əliyev (1969-1991) Buzluq kəndi istiqamətində gedən döyüşlərdə şəhid oldu. 

1991-ci ildə - Azərbaycanın Milli Qəhrəmanı, Qarabağ müharibəsi iştirakçısı Fazil Umud oğlu Mehdiyev (1966-1991) şəhid oldu. Sentyabrın 23-dən 24-ə keçən gecə ermənilər Abdal Gülablı (Gülablı) kəndinə hücum etmişdilər. Fazil dostu Salehlə maşına minib döyüşə tələsir. Ağdama gələn yolda pusqu quran ermənilər onları atəşə tuturlar və Fazil bu döyüşdə faciəli surətdə şəhid olur.

1992-ci ildə - Qarabağ müharibəsi iştirakçısı, "Azərbaycan Bayrağı" ordeni kavaleri Cəbrayıl Nuşirəvan oğlu Cəbrayılov (1959-1992) Xanabad kəndi uğrunda döyüşlərdə şəhid oldu. 

1992-ci ildə - Azərbaycan Milli Ordusu Ermənistan işğalçı qüvvələri ilə apardığı döyüşlər nəticəsində Dağlıq Qarabağdakı iri yaşayış məntəqələrdən olan Xocavənd (Martuni) rayon mərkəzini nəzarətə götürüb. Lakin 1993-cü ilin hərbi uğursuzluqları gedişində, Qarabağdakı digər ərazilər kimi, Xocavənd də yenidən ermənilərin əlinə keçdi.

1992-ci ildə - Azərbaycanla İndoneziya arasında diplomatik münasibətlər qurulub.

1992-ci ildə - Azərbaycanın Milli Qəhrəmanı Mübariz Əlizadə oğlu Əhmədov (1963-1992) Ağdamın Abdal-Gülablı kəndini erməni faşist dəstələrindən təmizləyən zaman qəfil partlayan mərminin təsirindən şəhid oldu.

1993-cü ildə - Azərbaycan Müstəqil Dövlətlər Birliyinə daxil olub. Prezident səlahiyyətlərini həyata keçirən Heydər Əliyev MDB dövlət başçılarının Moskva sammitində ölkəmizin quruma üzvlüyü barədə sənədləri imzalayıb.

1994-cü ildə - Prezident Heydər Əliyev televiziya ilə xalqa müraciət edib. Prezident "Əsrin müqaviləsi"nin (20 sentyabr) imzalanmasına qarşı çıxan qüvvələr tərəfindən ölkədə vəziyyəti gərginləşdirmək cəhdləri edildiyini, lakin bu cəhdlərin qarşısının qətiyyətlə alınacağını vurğulayıb. 

2003-cü ildə - Baş nazir İlham Əliyev Nyu-Yorkda BMT Baş Assambleyasının 58-ci sessiyasında çıxış edib. Beynəlxalq birliyin Ermənistanın Azərbaycana qarşı təcavüzünə seyrçi qaldığını təəssüflə qeyd edən İlham Əliyev Azərbaycanın öz ərazi bütövlüyünü nəyin bahasına olursa-olsun bərpa edəcəyini bildirib.