1095    

04/10/2017

1901-ci ildə - Bakıda müsəlman qızlar üçün ilk təhsil ocağı - Qızlar Məktəbi açılıb. Məktəb tanınmış maarifçi Həsən bəy Zərdabinin təşəbbüsü ilə böyük mesenat, Bakı milyonçusu Hacı Zeynalabdin Tağıyev tərəfidən inşa edilmişdi. Bu, Cənubi Qafqazda müsəlman xanımlar üçün ilk ali təhsil müəssisəsi idi.

1918-ci ildə - Azərbaycan Xalq Cümhuriyyətinin hökuməti bolşeviklərin ("Bakı Soveti") neft sənayesinin milliləşdirilməsi barədə qərarını ləğv edərək bu sahənin yenidən özəl sektora qaytarılması barədə qərar verib. Hökumətin dekretinə əsasən, neft mədənləri, zavodlar, neft daşıyan gəmilər əvvəlki sahiblərinə qaytarıldı. Bakıdakı qısamüddətli bolşevik hökuməti dövründə ölkədən getməyə hazırlaşan xarici şirkətlər yenidən fəaliyyətlərini genişləndirdilər.

1933-cü ildə - AMEA-nın həqiqi üzvü, Əməkdar elm xadimi, fizika-riyaziyyat elmləri doktoru, professor, Azərbaycan Respublikasının “Şöhrət” ordeni ilə təltif edilmiş, “ХХ əsrin görkəmli alimi” fəxri adına layiq görülmüş Bəhram Mehralı oğlu Əsgərov (1933-2014) Tovuz rayonunun Əhmədabad kəndində anadan olmuşdur. 

1968-ci ildə - Azərbaycanın Milli Qəhrəmanı Cəmil Səmədxan oğlu Niftəliyev (1968-1992) Yardımlı rayonunda anadan olmuşdur. Qaradağ rayonundakı 233 saylı məktəb və Yanğından Mühafizə İdarəsinin  yanğınsöndürən gəmisi qəhrəmanımızın adını daşıyır.

1982-ci ildə - Yazıçı, ədəbiyyatşünas, folklorşünas, dramaturq, ssenari müəllifi, tərcüməçi, 1939-cu ildən Azərbaycan Yazıçılar Birliyinin üzvü, filologiya elmləri doktoru (1965), professor Məmmədhüseyn Abbasqulu oğlu Təhmasib (1907-1982) vəfat edib. 

1989-cu ildə - Azərbaycan SSR Nazirlər Soveti AXC-ni rəsmi qeydə aldı. AXC-nin bu vaxta qədər buraxılan bülleteni əvəzinə dekabrın 4-dən "Azadlıq" qəzetinin kütləvi tirajla nəşrinə başlandı.

1994-cü ildə - YUNESKO və Beynəlxalq Əmək Təşkilatının birgə təşkilatçılığı ilə 1966-cı ildə çağırılan konfransda müəllimlərin peşə fəaliyyətinin şərtlərini təyin edən "Müəllimlərin statusu haqqında" adlı ilk beynəlxalq sənəd imzalanmışdır. 1994-cü ildən isə həmin tarix YUNESKO tərəfindən Ümumdünya Müəllimlər Günü kimi təsis edilmişdir.

1994-cü ildə - Bakının "Azadlıq" meydanında ölkənin müxtəlif yerlərindən gəlmiş yüz minlərlə insanın iştirakı ilə ümumxalq mitinqi keçirilib. Mitinq iştirakçıları dövlət çevrilişinə cəhdin qarşısını qətiyyətlə almış prezident Heydər Əliyevə dəstək və etimadını bildirib. Mitinqdə çıxış edən Heydər Əliyev dövlətçiliyin müdafiəsinə qalxdığına görə Azərbaycan xalqına təşəkkür edib. Həmin gün prezidentin fərmanı ilə 3-4 oktyabrda dövlət çevrilişi cəhdinin qarışısının alınmasında fədakarlıq və bacarıq göstərmiş hərbi komandirlər - Rövşən Əkbərov, Natiq Məmmədov və Elnur Nuriyev "Azərbaycanın Milli Qəhrəmanı" adına layiq görülüblər. Bir qrup hərbi qulluqçu "Azərbaycan bayrağı" ordeni ilə təltif edilib.   

2002-ci ildə - Azərbaycan Prezidentinin fərmanı ilə "Milli Televiziya və Radio Şurası" yaradıldı.